सत्तास्थापनेचा निर्णय जलदगतीने घ्या, शिवसेनेची काँग्रेसकडे आग्रही मागणी

नवी दिल्ली : सत्तास्थापनेच्या प्रक्रियेत निर्णय जलदगतीने घ्या, अशी आग्रही मागणी शिवसेनेने काँग्रेस पक्षश्रेष्ठींकडे (Shiv Sena urges Congress) केली आहे. सूत्रांनी याबाबतची माहिती दिली. दिल्लीत बुधवारी  काँग्रेस-राष्ट्रवादीच्या (Shiv Sena urges Congress) नेत्यांची महत्वाची बैठक होत आहे. या बैठकीत शिवसेनेबरोबर सरकार स्थापन करण्याच्या दृष्टीने महत्वाचे निर्णय मार्गी लागण्याची शक्यता आहे.

दिल्लीत राष्ट्रवादीचे महत्वाचे नेते दाखल झाले आहेत. शिवाय काँग्रेसचे नेतेही दिल्लीच्या मार्गावर आहेत. शिवसेना नेते संजय राऊत आणि राष्ट्रवादीचे नेते अजित पवार, सुनील तटकरे यांच्यात आज बैठक झाल्याची माहितीही सूत्रांनी दिली. या बैठकीत अनेक महत्त्वाच्या विषयांवर चर्चा झाली.

शिवसेना पक्षप्रमुख उद्धव ठाकरे यांनी सरकारचे नेतृत्व करावे ही राष्ट्रवादीची आग्रही मागणी आहे. उद्या काँग्रेस-राष्ट्रवादीची बैठक पार पडल्यानंतर सर्व नेते मुंबईत परतणार आहेत. शिवसेना खासदार संजय राऊत हे सुद्धा उद्या मुंबईत परतण्याची शक्यता आहे.

शरद पवार- सोनिया गांधी यांची बैठक

दरम्यान, शरद पवार आणि सोनिया गांधी यांच्यात काल बैठक झाली. शरद पवार (Sharad Pawar meet Sonia Gandhi) हे सोनिया गांधी यांच्या दिल्लीतील 10 जनपथ या निवासस्थानी दाखल झाले होते. तिथे दोघांमध्ये जवळपास 50 मिनिटे चर्चा झाली. या भेटीनंतर शरद पवारांनी माध्यमांशी संवाद साधून चर्चेचा तपशील सांगितला. शरद पवार म्हणाले, “सोनिया गांधी आणि ए के अँटोनी यांच्यासोबत सविस्तर चर्चा झाली.  महाराष्ट्रातील राजकीय स्थितीबाबत सविस्तर चर्चा झाली. राज्यातील स्थिती सोनिया गांधी यांना सांगितली. या परिस्थितीवर लक्ष ठेवू, वरिष्ठ नेत्यांचं मत घेऊन पुढील रुपरेषा ठरवू. एवढीच चर्चा झाली”

संबंधित बातम्या 

शिवसेना पुन्हा कोंडीत, पाठिंब्याबाबत शरद पवार- सोनिया गांधींमध्ये चर्चाच नाही!