विखे-थोरात वर्चस्वाची लढाई, लोकसभा, विधानसभेनंतर आता 12 गावात संघर्ष पेटणार

 लोकसभा, विधानसभा आणि आता ग्रामपंचायत निवडणुकीतही थोरात-विखे असा संघर्ष पेटणार आहे.| Radhakrishna Vikhe patil VS balasaheb thorat Grampanchayat Election

विखे-थोरात वर्चस्वाची लढाई, लोकसभा, विधानसभेनंतर आता 12 गावात संघर्ष पेटणार

अहमदनगर : लोकसभा, विधानसभा आणि आता ग्रामपंचायत निवडणुकीतही थोरात-विखे असा संघर्ष पेटणार असून संगमनेर तालुक्यातील 14 ग्रामपंचायतीमध्ये चुरस पहायला मिळत आहे. संगमनेर तालुक्यातील 14 गावे राधाकृष्ण विखे पाटलांच्या‌ शिर्डी मतदारसंघात येत असल्याने या ग्रामपंचायतीमध्ये विखे समर्थक आणि थोरात समर्थकांमध्ये ‌ग्रामपंचायतीचा आखाडा रंगणार आहे. (The Election Battle between Radhakrishna Vikhe patil And balasaheb thorat Over Grampanchayat Election)

संगमनेर तालुक्यातील 14 गावे शिर्डी विधानसभा मतदार संघात जोडलेली आहेत. विधानसभेला या 14 गावातील मतदार शिर्डी विधानसभेसाठी मतदान करतात मात्र ग्रामपंचायतीला येथे थोरात-विखे संघर्ष पहायला मिळतो. महसुलमंत्री बाळासाहेब थोरात आणि भाजपा नेते आमदार राधाकृष्ण विखे पाटील यांच्यातील राजकीय संघर्ष नगर जिल्ह्यास नवा नाही. पण एका पक्षात असताना काही राजकीय तडजोडी होत असायच्या. मात्र आता थेट आमनेसामने हा संघर्ष होतोय.

विखे समर्थक निवडणुका जिंकण्याचा विश्वास व्यक्त करत असले ‌तरी थोरात समर्थक मात्र या 14 गावातील ग्रामपंचायतीत थोरात गटाचीच सत्ता येणार, असा दावा करत आहेत. एकूणच दोन्ही पक्षांच्या वतीने विजयाचा दावा करण्यात येतोय.

मंत्री बाळासाहेब थोरातांनी मात्र ग्रामपंचायत निवडणुकीत भाग घेत नसल्याच म्हटलंय. मी ३६ वर्षापासुन आमदार आहे. मी कधीच ग्रामपंचायत निवडणुकीमध्ये भाग घेतला नाही. गावातुनच एकत्र निवड करावी. मी कुठही भाग घेणार नाही, अस थोरात यांनी म्हटलंय. थोरात भाग घेत नाही अस जरी म्हणत असले तरी विखे आणि थोरात यांच्यातील ही चुरस प्रतिष्ठेची समजली जात आहे.

संगमनेरची राजकीय कुस्ती

तालुक्यातील एकुण ग्रामपंचायती – 143
निवडणुका होत असलेल्या एकुण ग्रामपंचायत – 94
बिनविरोध – 04 [ कॉग्रेस – थोरात यांच्याकडे ]
एकमेव तिरंगी लढत – प्रतापपूर (विशेष म्हणजे प्रतापपूर येथे तीनही गट हे विखे समर्थक आहेत)

विखे-थोरात आमनेसामने लढत

चिंचपुर बुद्रुक, खळी, दाढ खुर्द, ओझर खुर्द, कनोली, चनेगाव, झरेकाठी, शेडगाव, प्रतापपूर, मनोली, प्रिंपीलौकी, आजमपुर, औरंगपुर, शिबलापुर, या 14 गावांमध्ये थेट विखे-थोरात लढत होणार आहे.

हे ही वाचा

Rekha Jare हत्या प्रकरणात न्यायालयाचा मोठा निर्णय, बाळ बोठेविरोधात स्टँडिंग वॉरंट जारी

औरंगाबादेतील गुंठेवारीची घरे नियमित होणार, चार लाख नागरिकांना दिलासा

Click on your DTH Provider to Add TV9 MARATHI