घरात एकदा तरी देवासाठी खोबरेल तेलाचा दिवा लावताय? फायदे जाणून व्हाल थक्क…

हिंदू धर्मात सांगितल्या प्रामाणे आपण रोज संध्याकाळी दिवा लावतो आणि ‘शुभम करोति कल्याणम’ हे श्लोक म्हणतो…. श्लोकांमध्ये दीप पूजेचं महत्त्व सांगितलं आहे… धार्मिक विधींमध्ये तूप आणि विविध तेलांनी दिवे लावण्याची परंपरा आहे. यांमध्ये नारळाच्या तेलाच्या दिव्यांना विशेष स्थान आहे. नारळाच्या झाडाला कल्पवृक्ष म्हटलं जातं आणि त्याचा प्रत्येक भाग मानवांसाठी उपयुक्त असतो. हिंदू संस्कृतीत दीप पूजेला विशेष महत्त्व आहे. विशेषतः, खोबरेल तेलाने दिवा लावल्याने अनेक शुभ परिणाम मिळतात, असं प्रसिद्ध ज्योतिषी आणि वास्तुविशारद डॉ. बसवराज गुरुजी यांनी सांगितलं आहे.

गुरुजींच्या मते, देवी महालक्ष्मीच्या प्रतिमेसमोर किंवा फोटोसमोर नारळाच्या तेलाचा दिवा लावल्यास, नारळ आणि साखर अर्पण केल्यास, आणि साखरेत तूप मिसळून त्याचा प्रसाद म्हणून अर्पण केल्यास, घरात शुभ गोष्टी लवकर घडतील. कुलदैवताच्या फोटोसमोर सलग तीन दिवस नारळाच्या तेलाचा दिवा लावल्यास, घरातील भांडणे आणि राग नाहीसा होऊन घरात समृद्धी नांदेल. होमाच्या वेळी नारळाच्या तेलात हिरवे रेशमी वस्त्र भिजवून अर्पण केल्यास, तुम्हाला धनप्राप्ती होईल.

ताडाच्या झाडाजवळ नारळाच्या तेलाचा दिवा:

ताडवृक्षाजवळ नारळाच्या तेलाचा दिवा लावल्याने वैवाहिक वाद दूर होण्यास आणि जवळीक वाढण्यास मदत होते. घराच्या ईशान्य कोपऱ्यात सलग 48 तास नारळाच्या तेलाचा दिवा लावल्याने कर्जमुक्ती मिळण्यास मदत होते. शनिवारी भगवान व्यंकटेश्वरासमोर नारळाच्या तेलाचा दिवा लावून गूळ अर्पण केल्याने जमिनीच्या वादात, कायदेशीर बाबींमध्ये यश मिळते आणि गैरसमजांपासून तुमची सुटका होते.

शिवाच्या मूर्तीसमोर नारळाच्या तेलाचा दिवा:

प्रत्येक सोमवारी संध्याकाळी, शिवमंदिरात किंवा घरी भगवान शिवाच्या मूर्तीसमोर नारळाच्या तेलाचा दिवा लावल्यास तुमच्या इच्छा पूर्ण होतील. प्रत्येक मंगळवारी नारळाच्या तेलाच्या दिव्याने भगवान सुब्रह्मण्यांची आरती केल्यास तुम्हाला संततीचे फळ मिळेल. अमावस्येच्या दिवशी नारळाच्या तेलाचा दिवा लावल्याने तुमच्या पूर्वजांचे समाधान होईल आणि सर्व प्रकारे शुभता लाभेल.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही…)