खरा मित्र कोण, मैत्री करण्यापूर्वी या 5 मोठ्या गोष्टी नेहमीच लक्षात ठेवायला हव्यात!
चांगल्या मित्राची अशी कोणती व्याख्या नाहीयं. पण जो मित्र आपल्या चुका आणि चांगल्या कामाचे काैतुक करतो आणि आपण चुकत असोल तर योग्य मार्गदर्शन करतो तो चांगला मित्र असतो. पण मैत्री म्हणजे काय याचा अर्थ जर समजला नाही तर समजून घ्या की तुम्ही आयुष्यात काहीच शिकले नाही.
मुंबई : आयुष्यामध्ये (Life) एक चांगला मित्र मिळण्यासाठी खूप मोठे भाष्यच लागते. परिस्थिती कोणतीही असो जो आपल्या पाठीशी ठामपणे उभा असतो, तोच खरा मित्र मानला जातो. प्रत्येकजण आयुष्यात खऱ्या मित्राच्या शोधात असतो. जो सुख-दु:खात तुमच्या पाठीशी उभा राहील. आयुष्यात असा मित्र (Friends) नेहमी असावा जो आपल्याला योग्य मार्ग (Right way) दाखवेल किंवा आपली एखादी गोष्ट जर चुकत असेल तर त्याबद्दल देखील आपल्याला सांगणारा. आपण एखाद्या व्यक्तीला आपल्या मित्र मानत असून आणि तो व्यक्ती आपल्या मागारी बोलत असेल तर तो कधीच तुमचा खरा मित्र होऊ शकत नाही. चला जाणून घेऊया खरा आणि चांगला मित्र नेमका कसा असतो.
तुम्ही किती एकमेंकांना समजून घेता हे महत्वाचे
चांगल्या मित्राची अशी कोणती व्याख्या नाहीयं. पण जो मित्र आपल्या चुका आणि चांगल्या कामाचे काैतुक करतो आणि आपण चुकत असोल तर योग्य मार्गदर्शन करतो तो चांगला मित्र असतो. पण मैत्री म्हणजे काय याचा अर्थ जर समजला नाही तर समजून घ्या की तुम्ही आयुष्यात काहीच शिकले नाही. मैत्रीमध्ये तुम्ही कोणाला किती दिवसांपासून ओळखत आहात हे महत्त्वाचे नसते. तर तुम्ही किती एकमेंकांना समजून घेता हे महत्वाचे असते.
मैत्रीमध्ये अजिबात गैरसमज होऊ देऊ नका
आयुष्यात तुमच्या शत्रूला मित्र बनण्याच्या हजार संधी द्या. पण मित्राला कधीच शत्रू बनण्याची संधी देऊ नका. म्हणजेच जर तुम्हाला तुमच्या मित्राची एखादी गोष्ट पटली नसेल किंवा चुकीची वाटत असेल तर याबद्दल इतरांजवळ बोलण्यापेक्षा थेट तुम्ही त्याच्याजवळ बोला. नाही तर तुमच्या मैत्रीमध्ये गैरसमज होण्यास सुरूवात होईल. आपल्या मित्राची एखादी गोष्ट चुकत असेल तर त्याला त्याची जाणीव करून द्या. दररोज थोडा वेळ आपल्या मित्राला नेहमीच द्यायला हवा.
