Vastu Shastra : घरातील भांडणं थांबतच नाहीयेत? मग किचन आणि बेडरूममध्ये करा हा छोटासा बदल
अनेकदा काहीही कारण नसताना आपल्या घरात सतत भांडणं होत असतात. कितीही काळजी घेतली तरी वाद हे होताच. असे वाद टाळण्यासाठी वास्तुशास्त्रात काही उपाय सांगण्यात आले आहेत, त्याबद्दलच आज आपण माहिती जाणून घेणार आहोत.
वास्तुशास्त्रामध्ये केवळ तुमचं घर कसं असावं? याबद्दलच माहिती सांगण्यात आलेली नाहीये, तर वास्तुशास्त्रानुसार तुमच्या घरात ज्या काही वस्तू असतील या सर्व वस्तुंचा सकारात्मक किंवा नकारात्मक ऊर्जेशी संबंध येत असतो. प्रत्येक वस्तू कोणत्या दिशेला ठेवावी, याबद्दल देखील वास्तुशास्त्रात माहिती देण्यात आली आहे. जर एखादी शुभ फळ देणारी गोष्ट असेल आणि तिला जर आपण चुकीच्या दिशेला ठेवलं तर त्याचा आपल्यावर उलटा परिणाम होऊ शकतो. त्यामुळे वास्तुशास्त्रात दिशेला देखील महत्त्व असतं. प्रत्येक वस्तू ही योग्य दिशेला ठेवली गेली पाहिजे, असं वास्तुशास्त्रात सांगण्यात आलं आहे. अनेकदा आपल्या घरात काहीही कारण नसताना सतत भांडणं होतात, ते टाळण्यासाठी वास्तुशास्त्रात काही उपाय सांगण्यात आले आहेत, त्याबद्दल आज आपण माहिती जाणून घेणार आहोत.
स्वयंपाक घरातील बदल – वास्तुशास्त्रानुसार जर तुमच्या घरात नेहमची भांडणं होत असतील तर सर्वात आधी तुमचं किचन कोणत्या दिशेला आहे, ते एकदा पहा. किचन हे नेहमी अग्नेय दिशेला असावं, असं वास्तुशास्त्र सांगतं. त्याचं महत्त्वाचं कारण म्हणजे अग्नेय दिशा ही अग्नीदेवताशी संबंधित आहे, जर तुमचं किचन हे अग्नेय दिशेला असेल तर त्यामुळे घरात सकारात्मक ऊर्जा तयार होते, असं वास्तुशास्त्रामध्ये सांगण्यात आलं आहे. तसेच तुमच्या घरातील डायनिंग टेबल हा नेहमी आयातकृतीच असावा तो इतर शेफमध्ये असू नये, असं देखील वास्तुशास्त्र सांगतं.
बेडरूममध्ये बदल – जर तुमची बेडरूम ही वास्तुशास्त्राच्या नियमानुसार तयार केलेली असेल तर तुमच्या अर्ध्या समस्या तिथेच संपतात असं म्हटलं जातं. तुमची बेडरूम ही नेहमी दक्षिण -पश्चिम अशी असावी. तसेच तुमचा बेड देखील याच दोन दिशांच्या मध्ये असावा, असं वास्तुशास्त्रामध्ये सांगण्यात आलं आहे. एवढंच नाही तर बेडरूमच्या भिंतीला कधीही जास्त भडक रंग देऊ नये, बेडरूमच्या भिंतीला नेहमी लाईट कलर असावेत असं देखील वास्तुशास्त्रात सांगण्यात आलं आहे. बेडरूममध्ये राधा कृष्ण यांचा एक फोटो देखील असावा, तसेच एका गोष्टीची नेहमी काळजी घ्यावी की बेडरूममध्ये कधीही काटेरी झाडं ठेवू नयेत, कारण अशा या झाडांचा नात्यांवर नकारात्मक परिणाम होतो, घरात नकारात्मक ऊर्जा वाढते असं वास्तुशास्त्रात सांगण्यात आलं आहे.
(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
