IND vs ENG T20 मालिका गमावल्यामुळे बीसीसीआय आक्रमक, दोन लोकांवर कारवाई पक्की, थेट संघातून पत्ता कट

भारत आणि इंग्लंड यांच्यात टी-20 सामन्यांची मालिका सुरु आहे. या मालिकेतील सामन्यात भारतीय संघाचे अतिशय वाईट प्रदर्शन पाहायला मिळाले. परिणामी मालिका इंग्लंडने जिंकली. आता या खराब कामगिरीमुळे भारतीय संघात अनेक बदल होणार आहे. या खराब कामगिरीमुळे भारतीय संघात बीसीसीआय बदल करणार असे म्हटले जात होते.  भारतीय क्रिकेट संघाचा इंग्लंड दौरा संपल्यामुळे, कोचिंग स्टाफमध्ये मोठे बदल होणार आहेत. गौतम गंभीरचे दोन सर्वात विश्वासू सहकारी, रायन टेन डोशेट आणि मॉर्न मॉर्केल यांच्या भवितव्यावर चर्चा करण्यासाठी बीसीसीआयची बैठक होणार आहे. इंग्लंडविरुद्धच्या एकदिवसीय मालिकेनंतर त्यांचे करार संपत आहेत. वृत्तानुसार, रायनचा संघातून बाहेर पडणे निश्चित आहे, तर मॉर्केलच्या बाबतीत चर्चा सुरु आहे.

2024 मध्ये जेव्हा गौतम गंभीरने भारतीय संघाच्या मुख्य प्रशिक्षकपदाची सूत्रे हाती घेतली, तेव्हा त्याने स्वतः रायन टेन डोशेट आणि मॉर्न मॉर्केल यांची कोचिंग स्टाफमध्ये निवड केली होती. हे दोघेही गंभीरच्या कोलकाता नाईट रायडर्स संघाचा भाग होते, तर अभिषेक नायर सुरुवातीला सहायक प्रशिक्षक म्हणून कार्यरत होता. मात्र, चॅम्पियन्स ट्रॉफी जिंकल्यानंतर त्याने संघ सोडला. आता असे मानले जात आहे की डोशेट आणि मॉर्केल हे देखील गंभीरपासून वेगळे होतील. मीडिया रिपोर्ट्सनुसार, रायनने एका आयपीएल फ्रँचायझीसोबत चर्चा सुरू केली आहे, तर ते इतर पर्यातही शोधत आहे.

भारतीय संघाच्या अलीकडील खराब क्षेत्ररक्षणामुळे टी. दिलीप यांची नोकरीही धोक्यात आली आहे. मिळालेल्या माहितीनुसार, खेळाडूंच्या क्षेत्ररक्षणाने बीसीसीआय विशेष प्रभावित नाही. दिलीप 2021 पासून भारतीय संघासोबत आहेत. ते अभिषेक नायरसोबत निवृत्त होणार होते, परंतु नंतर त्यांना मुदतवाढ देण्यात आली. तसेच, हे  सेंटर ऑफ एक्सलन्सचे प्रमुख व्हीव्हीएस लक्ष्मण हे 23 जुलैपासून सुरू होणाऱ्या झिम्बाब्वेविरुद्धच्या तीन सामन्यांच्या टी-20 मालिकेत प्रशिक्षक म्हणून काम पाहणार आहेत. अंतिम एकदिवसीय सामना 19 जुलै रोजी इंग्लंडमध्ये खेळला जाणार आहे. त्यामुळे, बीसीसीआयने कामाच्या व्यवस्थापनासाठी लक्ष्मण यांना झिम्बाब्वेला पाठवण्याचा निर्णय घेतला आहे.