DC vs SRH Highlight Score, IPL 2025 : दिल्ली कॅपिटल्सने सनरायझर्स हैदराबादला नमवलं, स्पर्धेतील सलग दुसरा विजय

DC vs SRH Live Score, IPL 2025 : दिल्ली कॅपिटल्सचा सनरायझर्स हैदराबादला नमवलं, स्पर्धेतील सलग दुसरा विजय

दिल्ली कॅपिटल्सने सनरायझर्स हैदराबादला 7 गडी राखून पराभूत केलं. यासह स्पर्धेतील सलग दुसरा विजय मिळवला आहे. हैदराबादने विजयासाठी 164 धावांचं आव्हान दिलं होतं. हे दिल्ली कॅपिटल्सने आव्हान 7 गडी राखून पूर्ण केलं.  या सामन्यात विजयाचा शिल्पकार ठरला तो मिचेल स्टार्क.. त्याने 35 धावा देत 5 गडी बाद केले.

DC vs SRH Live Score, IPL 2025 : दिल्ली कॅपिटल्सला तिसरा धक्का, जीशान अन्सारीच्या फिरकीत गुंतले

जीशान अन्सारीने पहिल्या सामन्यात कमाल केली आहे. दिल्लीच्या तीन दिग्गज फलंदाजांना तंबूत पाठवलं आहे. केएल राहुल बाद करत तिसरी विकेट घेतली. केएल राहुल 15 धावा करून बाद झाला.

DC vs SRH Live Score, IPL 2025 : दिल्ली कॅपिटल्सला दुसरा धक्का, जीशान अन्सारीच्या फिरकीत गुंतले

जीशान अन्सारीने आपल्या फिरकीत दिल्ली कॅपिटल्सच्या दोन फलंदाजांना गुंतवलं. फाफ डुप्लेसिला बाद केल्यानंतर फ्रेजरला बाद केलं.

DC vs SRH Live Score, IPL 2025 : दिल्ली कॅपिटल्सला पहिला धक्का, फाफ 50 धावा करून बाद

दिल्ली कॅपिटल्सला फाफ डु प्लेसिसच्या रुपाने पहिला धक्का बसला आहे. फाफने अर्धशतक ठोकल्यानंतर आक्रमक अंदाज दाखवला. पण विकेट देऊन बसला.

DC vs SRH Live Score, IPL 2025 : दिल्लीच्या फाफ डुप्लेसिसचा झंझावात, 26 चेंडूत ठोकल्या 50 धावा

दिल्ली कॅपिटल्सचा उपकर्णधार फाफ डु प्लेसिसने अर्धशतक ठोकलं. 163 धावांचा पाठलाग करताना 26 चेंडूत 50 धावा ठोकल्या.

DC vs SRH Live Score, IPL 2025 : पॉवर प्लेमध्ये दिल्ली कॅपिटल्सच्या बिनबाद 52 धावा

पॉवर प्लेमध्ये दिल्ली कॅपिटल्सने बिनबाद 52 धावा केल्या. फ्रेजर आणि डुप्लेसिस जोडी जमली असून हैदराबादचे गोलंदाज विकेटसाठी आतुर आहेत.

DC vs SRH Live Score, IPL 2025 : सनरायझर्स हैदराबादचा संघ 163 धावांवर ऑलआऊट

सनरायझर्स हैदराबाद संघ सर्व गडी गमवून  163 धावांपर्यंत मजल मारू शकला.  मिचेल स्टार्कने हैदराबादचं कंबरडं मोडलं आणि पाच विकेट घेतल्या. तर कुलदीप यादवने तीन गडी बाद केले. दिल्ली कॅपिटल्ससमोर विजयासाठी आता 164 धावांचं आव्हान आहे.

DC vs SRH Live Score, IPL 2025 : मिचेल स्टार्कच्या जाळ्यात आणखी एक खेळाडू, हैदराबादला नववा धक्का

मिचेल स्टार्कच्या भेदक गोलंदाजीपुढे हैदराबादचा संघ बॅकफूटला गेला आहे. पॉवर प्लेमध्ये तीन विकेट घेतल्या. त्यानंतर डेथ ओव्हरमध्ये आणखी एका विकेटची भर पडली आहे.

DC vs SRH Live Score, IPL 2025 : सनरायझर्स हैदराबादला आठवा धक्का, अनिकेत वर्मा 74 धावा करून बाद

सनरायझर्स हैदराबादला अनिकेत वर्माच्या रुपाने आठवा धक्का बसला. त्याने 74 धावांची महत्त्वपूर्ण खेळी केली.

DC vs SRH Live Score, IPL 2025 : सनरायझर्स हैदराबादला सातवा धक्का, पॅट कमिन्स बाद

पॅट कमिन्सची विकेट काढण्यात कुलदीप यादवला यश आलं आहे.  पॅटने 7 चेंडूत फक्त 2 धावा केल्या आणि बाद झाला.

DC vs SRH Live Score, IPL 2025 : सनरायझर्स हैदराबादला सहावा धक्का, क्लासेननंतर अभिनव बाद

सनरायझर्स हैदराबादचा फलंदाजीची दहशत संपली. सहावा गडी तंबूत गेल्याने दिल्ली कॅपिटल्स मजबूत स्थितीत आहे.

DC vs SRH Live Score, IPL 2025 : सनरायझर्स हैदराबादला पाचवा धक्का, हेनरिक क्लासेन बाद

सनरायझर्स हैदराबादला पाचवा धक्का बसला असून हेनरिक क्लासेन तंबूत परतला. त्याने आपल्या खेळीतून 32 धावांचं योगदान दिलं.

DC vs SRH Live Score, IPL 2025 : अनिकेत वर्मा आणि हेनरिक क्लासेनने डाव सावरला

हैदराबादचे आघाडीचे चार फलंदाज झटपट बाद झाल्यानंतर अनिकेत वर्मा आणि हेनरिक क्लासेन यांनी डाव सावरला. पाचव्या विकेटसाठी अर्धशतकी भागीदारी केली.

DC vs SRH Live Score, IPL 2025 : पॉवर प्लेमध्ये हैदराबादचे चार खेळाडू तंबूत, 58 धावा पडल्या पदरात

पॉवर प्लेमध्ये मिचेल स्टार्कने सनरायझर्स हैदराबादचं कंबरडं मोडलं. अभिषेक शर्मा रनआऊट झाला. तर इतर तिघांना मिचेल स्टार्कने बाद केलं.  पॉवर प्लेमध्ये 58 धावांवर 4 गडी बाद झाले.

DC vs SRH Live Score, IPL 2025 : हैदराबादची बॅटिंग लाइनअप ढासळली, हेडच्या रुपाने चौथा धक्का

ट्रेव्हिस हेडच्या रुपाने सनरायझर्स हैदराबादला चौथा धक्का बसला आहे. मिचेल स्टार्कने तिसरी विकेट काढली. ट्रेव्हिस हेड 22 धावा करून तंबूत परतला आहे.

DC vs SRH Live Score, IPL 2025 : नितीश रेड्डी खातं न खोलताच झाला बाद

इशान किशनची विकेट गेल्यानंतर नितीश रेड्डीकडून फार अपेक्षा होत्या. मात्र त्याला खातंही खोलता आलं नाही. मिचेल स्टार्कने त्याला चालतं केलं.

DC vs SRH Live Score, IPL 2025 : सनरायझर्स हैदराबादला दुसरा धक्का, इशान किशन तंबूत

मिचेल स्टार्कच्या गोलंदाजीवर इशान किशन चुकी करून बसला. ऑफ साईडला बाहेर टाकलेल्या चेंडूवर फसला आणि स्टब्सच्या हाती झेल देऊन बाद झाला.

DC vs SRH Live Score, IPL 2025 : सनरायझर्स हैदराबादला पहिला धक्का, अभिषेक शर्मा रनआऊट

सनरायझर्स हैदराबादला अभिषेक शर्माच्या रुपाने पहिला धक्का बसला आहे. ट्रेव्हिस हेड चोरटी धाव घेताना संवाद चुकला आणि अभिषेक शर्माची विकेट गेली. विपराज निगमने डायरेक्ट चेंडू स्टम्पवर मारला आणि त्याला तंबूत पाठवला.

साध्वी प्रज्ञासिंह ठाकूर यांचा मालेगाव दौरा अखेर रद्द

साध्वी प्रज्ञासिंह यांची प्रकृती ठीक नसल्याने त्यांचा दौरा रद्द झाल्याची माहिती दिली जात आहे.मालेगावातील संत संमेलनाला साध्वी प्रज्ञासिंह ठाकूर उपस्थित राहणार होत्या. २००८ च्या मालेगाव बॉम्ब स्फोटातील साध्वी प्रज्ञासिंह प्रमुख आरोपी आहेत. रमजानचा महिना सुरू असल्याने मुस्लिम संघटनांनी साध्वी प्रज्ञासिंह यांच्या दौऱ्याला विरोध केला होता.

DC vs SRH Live Score, IPL 2025 : दोन्ही संघांची प्लेइंग 11

दिल्ली कॅपिटल्स (प्लेइंग इलेव्हन): जेक फ्रेझर-मॅकगर्क, फाफ डू प्लेसिस, अभिषेक पोरेल (विकेटकीपर), केएल राहुल, अक्षर पटेल (कर्णधार), ट्रिस्टन स्टब्स, विप्रज निगम, मिचेल स्टार्क, कुलदीप यादव, मोहित शर्मा, मुकेश कुमार.

सनरायझर्स हैदराबाद (प्लेइंग इलेव्हन): ट्रॅव्हिस हेड, अभिषेक शर्मा, इशान किशन, नितीश कुमार रेड्डी, हेनरिक क्लासेन (विकेटकीपर), अनिकेत वर्मा, अभिनव मनोहर, पॅट कमिन्स (कर्णधार), झीशान अन्सारी, हर्षल पटेल, मोहम्मद शमी

DC vs SRH Live Score, IPL 2025 : पॅट कमिन्सने जिंकला नाणेफेकीचा कौल, प्रथम फलंदाजीला प्राधान्य

पॅट कमिन्सने नाणेफेकीचा कौल जिंकला आणि प्रथम फलंदाजी स्वीकारली आहे. तर नाणेफेक जिंकलो असतो तर प्रथम फलंदाजीच केली असती असं अक्षर पटेल याने सांगितलं. तसचे कमी धावांवर रोखण्याचा प्रयत्न करू असं अक्षर पटेल म्हणाला.

गुढी पाडवा मेळाव्यासाठी मनसैनिक मुंबईकडे रवाना

महाराष्ट्र नवनिर्माण सेनेचे (मनसे) अध्यक्ष राज ठाकरे यांची आज गुढीपाडव्याच्या मुहूर्तावर, मुंबईतील शिवाजी पार्कमध्ये सभा आयोजित केली आहे. त्यासाठी शंभर ते दीडशे गाड्यांच्या ताफ्यात हजारो मनसैनिक मुंबईकडे रवाना झाले आहेत. मनसेच्या पाडव्या मेळाव्याचा इगतपुरी तालुक्यातील मनसैनिकांमध्ये उत्साह पाहायला मिळत आहे. राज ठाकरे काय बोलणार याची मनसैनिकांमध्ये उत्सुकता पाहायला मिळत आहे.

मनसे पाडवा मेळाव्यानिमित्त मुंबईच्या वाहतुकीत बदल, कोणते मार्ग बंद?

महाराष्ट्र नवनिर्माण सेनेचे (मनसे) अध्यक्ष राज ठाकरे यांची आज गुढीपाडव्याच्या मुहूर्तावर, मुंबईतील शिवाजी पार्कमध्ये सभा आयोजित केली आहे. ही सभा संध्याकाळी ५ ते १० या वेळेत होणार आहेत. या सभेला महाराष्ट्रातील कोनाकोपऱ्यातून मनसैनिक हजेरी लावतात. त्यामुळे शिवाजी पार्क परिसरात वाहतुकीत बदल करण्यात आला आहे. शहरातील वाहतूक व्यवस्था सुरळीत राहावी यासाठी प्रशासनाने रॅलीदरम्यान वाहतूक वळविण्याच्या सूचना दिल्या आहेत. विशेषत: माहीम कॉजवे ते शिवाजी पार्क हा मार्ग दुपारी 1 नंतर वळवण्यात आला आहे. त्याचप्रमाणे तुळशी पाईप रोड, दादर कबुतरखानाकडून येणाऱ्या मार्गावरही दिशा बदलण्यात आली आहे.

DC vs SRH Live Score, IPL 2025 : दोन्ही संघातील हेड टू हेड रेकॉर्ड

दोन्ही संघात एकूण २४ सामने झाले असून दिल्ली कॅपिटल्सने ११ सामन्यात विजय मिळवला आहे. तर सनरायझर्स हैदराबादने १३ सामन्यात दिल्लीला लोळवलं आहे.२०२१ पासून या संघात एकूण ६ सामने झाले. यात दिल्लीने ४, तर हैदराबादने २ सामने जिंकले आहेत. विशाखापट्टणम येथे दोन्ही संघ दोनवेळा आमनेसामने आले आहेत. दोन्ही सामन्यात दिल्लीने विजय मिळवला आहे.

DC vs SRH Live Score, IPL 2025 : संभाव्य प्लेइंग इलेव्हन आणि इम्पॅक्ट प्लेयर

दिल्ली कॅपिटल्स: जेक फ्रेझर-मॅकगर्क, फाफ डू प्लेसिस, अभिषेक पोरेल, केएल राहुल, अक्षर पटेल, ट्रिस्टन स्टब्स, आशुतोष शर्मा, विप्रज निगम, मिचेल स्टार्क, कुलदीप यादव, मोहित शर्मा, मुकेश कुमार

सनरायझर्स हैदराबाद : ट्रॅव्हिस हेड, अभिषेक शर्मा, इशान किशन, नितीश रेड्डी, हेनरिक क्लासेन, अनिकेत वर्मा, अभिनव मनोहर, पॅट कमिन्स, हर्षल पटेल, मोहम्मद शमी, सिमरजीत सिंग, ॲडम झम्पा

DC vs SRH Live Score, IPL 2025 : सामन्याची वेळ काय?

दिल्ली कॅपिटल्स आणि सनरायझर्स हैदराबाद यांच्यातील सामन्याचा टॉस भारतीय वेळेनुसार दुपारी 3 वाजता होईल. दिल्ली कॅपिटल्स विरुद्ध सनरायझर्स हैदराबाद यांच्यातील सामना भारतीय वेळेनुसार दुपारी 3.30 वाजता सुरू होईल.