Glenn Maxwell: ‘त्या भारतीय फलंदाजाला विकत घेण्याइतके आमच्याकडे पैसे नाहीत’, मॅक्सवेलच मोठं विधान
ऑस्ट्रेलियाला ज्याला विकत घेणं परवडणार नाही, तो भारतीय फलंदाज कोण?
सिडनी: ऑस्ट्रेलियाचा स्फोटक ऑलराऊंडर ग्लेन मॅक्सवेलने टीम इंडियाचा आक्रमक फलंदाज सूर्यकुमार यादवबद्दल एक मोठं विधान केलय. सूर्यकुमार यादव सारख्या फलंदाजाला बिग बॅश लीगमध्ये विकत घेणं शक्य नाहीय. सूर्यकुमार यादवला बिग बॅश लीगमध्ये खरेदी करण्यासाठी पैसे कमी पडतील, असं मॅक्सवेलने म्हटलय.
त्याला खरेदी करण्यासाठी आमच्याकडे तितके पैसे नाहीत
ग्लेन मॅक्सवेलने ‘द ग्रेड क्रिकेटर’ दिलेल्या मुलाखतीत सूर्यकुमार यादवबद्दल हे विधान केलय. भविष्यात सूर्यकुमार यादव बिग बॅश लीगमध्ये खेळताना दिसेल का? असा प्रश्न ग्लेन मॅक्सवेलला विचारण्यात आला. त्यावर मॅक्सवेल म्हणाला की, “आमच्याकडचे पैसे कमी पडतील. सूर्यकुमार यादवला विकत घेणं शक्य नाहीय”
त्याला बॉलिंग करणं गोलंदाजासाठी चॅलेंज
सूर्यकुमार यादव यावर्षी टीम इंडियासाठी टी 20 इंटरनॅशनल क्रिकेटमध्ये धावांचा पाऊस पाडतोय. सूर्यकुमार यादवने 2022 मध्ये 31 टी 20 आंतरराष्ट्रीय सामन्यात 1164 धावा केल्या आहेत. यात दोन शतकं आणि नऊ अर्धशतकं आहेत. सूर्यकुमार आयसीसीच्या टी 20 रँकिंगमध्ये क्रिकेट विश्वातील नंबर 1 फलंदाज आहे. सूर्यकुमार यादवला गोलंदाजी करणं कुठल्याही गोलंदाजासाठी आव्हानात्मक आहे.
त्याला टीम इंडिया बाहेर करणं कठीण
सूर्यकुमार यादव सध्या तुफान फॉर्ममध्ये आहे. तो फिट असेल, तर त्याला टीम इंडिया बाहेर केलं जाऊ शकत नाही. सूर्यकुमार यादव प्रत्येक सीरीजमध्ये एक नवीन रेकॉर्ड रचतोय. न्यूझीलंड विरुद्ध दुसऱ्या टी 20 सामन्यात त्याने 51 चेंडूत नाबाद 111 धावा फटकावल्या. सूर्यकुमारने या सीरीजमध्ये 31 रेटिंग पॉइंट कमावले. 890 रेटिंग पॉइंटस पाकिस्तानचा मोहम्मद रिजवान दुसऱ्या स्थानावर आहे. मोहम्मद रिजवान सूर्यकुमारपेक्षा 54 पॉइंट्सनी मागे आहे.