GT vs PBKS Live Streaming : गुजरात पंजाबचा हिशोब करत सहावा सामना जिंकणार?
Gujarat Titans vs Punjab Kings IPL 2026 Live Scorecard : पंजाब किंग्सने गेल्या सामन्यात गुजरात टायटन्सचा पराभव केला होता. त्यामुळे गुजरात या पराभवाची परतफेड करणार का? हे पाहणं महत्त्वाचं ठरणार आहे.
आयपीएल स्पर्धेच्या 19 व्या मोसमात रविवारी 3 मे रोजी डबल हेडरमधील दुसऱ्या सामन्यात गुजरात टायटन्स विरुद्ध पंजाब किंग्स आमनेसामने असणार आहेत. पंजाबचा हा नववा आणि गुजरातचा दहावा सामना असणार आहे. तसेच दोन्ही संघांची ही या मोसमात आमनेसामने येण्याची दुसरी वेळ असणार आहे. पंजाबने गेल्या सामन्यात गुजरातला पराभूत केलं होतं. त्यामुळे गुजरात गेल्या पराभवाची परतफेड करणार का हे पाहणं महत्त्वाचं ठरणार आहे. दरम्यान या सामन्याबाबत महत्त्वाची माहिती जाणून घेऊयात.
गुजरात टायटन्स विरुद्ध पंजाब किंग्स सामना कधी?
गुजरात टायटन्स विरुद्ध पंजाब किंग्स सामना रविवारी 3 मे रोजी होणार आहे.
गुजरात टायटन्स विरुद्ध पंजाब किंग्स सामना कुठे?
गुजरात टायटन्स विरुद्ध पंजाब किंग्स सामना अहमदाबादमधील नरेंद्र मोदी स्टेडियमध्ये होणार आहे.
गुजरात टायटन्स विरुद्ध पंजाब किंग्स सामन्याला किती वाजता सुरुवात होणार?
गुजरात टायटन्स विरुद्ध पंजाब किंग्स सामन्याला संध्याकाळी 7 वाजून 30 मिनिटांनी सुरुवात होणार आहे.
गुजरात टायटन्स विरुद्ध पंजाब किंग्स सामना टीव्हीवर कुठे पाहायला मिळेल?
गुजरात टायटन्स विरुद्ध पंजाब किंग्स सामना टीव्हीवर स्टार स्पोर्ट्स नेटवर्कवरील चॅनेल्सवर पाहायला मिळेल.
गुजरात टायटन्स विरुद्ध पंजाब किंग्स सामना मोबाईलवर कुठे पाहता येईल?
गुजरात टायटन्स विरुद्ध पंजाब किंग्स क्रिकेट सामना मोबाईलवर जिओहॉटस्टार एपद्वारे लाईव्ह पाहायला मिळेल.
गेल्या सामन्यात काय झालं होतं?
पंजाब विरुद्ध गुजरात यांच्यात याआधी 31 मार्चला सामना झाला होता. तेव्हा पंजाबने गुजरातवर घरच्या मैदानात 3 विकेट्सने विजय मिळवला होता. पंजाबने विजयासाठी मिळालेलं 163 धावांचं आव्हान हे 5 बॉलआधी 3 विकेट्स राखून पूर्ण केलं होतं. अशात आता गुजरात या पराभवाचा हिशोब करणार का? हे पाहणं महत्त्वाचं ठरणार आहे.
पंजाब-गुजरातमध्ये टफ फाईट
पंजाब विरुद्ध गुजरात आतापर्यंत एकूण 7 वेळा आमनेसामने आले आहेत. पंजाबने त्यापैकी 4 सामने जिंकले आहेत. तर गुजरात 3 सामन्यांत यशस्वी ठरली आहे. त्यामुळे एका विजयचा अपवाद वगळल्यास दोन्ही संघ तुल्यबळ आहेत, असं म्हटल्यास वावगं ठरणार नाही.
पॉइंट्स टेबलमधील स्थिती
दरम्यान पंजाब पॉइंट्स टेबलमध्ये पहिल्या तर गुजरात पाचव्या स्थानी विराजमान आहे. पंजाबने आतापर्यंत 8 पैकी 6 सामने जिंकले आहेत. तसेच पंजाबचा 1 सामन्यात पराभव झाला आहे. तर पंजाबचा एक सामना पावसामुळे रद्द करावा लागला होता. तर गुजरातने 9 पैकी 5 सामने जिंकलेत. तर गुजरातला 4 सामन्यांत पराभूत व्हावं लागलं आहे.
