IND vs NED : स्मृती मंधानाचं सलग दुसरं शतक, हरमनप्रीत कौरचा महारेकॉर्ड उद्धवस्त
Most Fifty By India in Womens T20i World Cup : स्मृती मंधाना हीने आयसीसी वुमन्स टी 20i वर्ल्ड कप 2026 स्पर्धेत सलग दुसरं अर्धशतक झळकावलं. स्मृतीने यासह भारतासाठी मोठा विक्रम केला. जाणून घ्या.
वुमन्स टीम इंडियाची स्टार ओपनर बॅट्समन आणि उपकर्णधार स्मृती मंधाना हीने आयसीसी टी 20i वर्ल्ड कप 2026 स्पर्धेतील आपल्या सलग दुसऱ्या सामन्यात धमाका कायम ठेवत चाबूक खेळी केली आहे. स्मृतीने हेडिंग्ले लीड्समध्ये आयोजित सामन्यात खणखणीत खेळी केली. स्मृतीने भारतासाठी सर्वाधिक 74 धावा केल्या. स्मृतीने या दरम्यान अर्धशतक लगावताच मोठा रेकॉर्ड ब्रेक केला. स्मृतीने सहकारी-कर्णधार हरमनप्रीत कौर आणि माजी फलंदाज मिताली राज या दोघींचा विक्रम मोडीत काढला.
भारताची जबरदस्त सुरुवात
शफाली वर्मा आणि स्मृती या दोघींनी भारताला जबरदस्त सुरुवात मिळवून दिली. दोघींनी 11.4 ओव्हरमध्ये 115 रन्सची ओपनिंग पार्टनरशीप केली. शफाली वर्माच्या रुपात भारताने पहिली विकेट गमावली. शफालीने 55 धावा केल्या. शफालीनंतर स्मृतीने वर्ल्ड कप स्पर्धेच्या 10 व्या पर्वातील सलग दुसरं अर्धशतक पूर्ण केलं. स्मृतीने 36 बॉलमध्ये 6 फोर आणि 1 सिक्सच्या मदतीने हे अर्धशतक झळकावलं. स्मृतीचं हे टी 20i वर्ल्ड कप स्पर्धेतील एकूण सहावं अर्धशतक ठरलं. स्मृती यासह भारताकडून या स्पर्धेत सर्वाधिक अर्धशतकं करणारी महिला फलंदाज ठरली. स्मृतीने याबाबत हरमनप्रीत आणि मिताली या दोघींना मागे टाकलं.
पाकिस्तान विरुद्ध अर्धशतक
स्मृतीने 14 जूनला पाकिस्तान विरुद्ध 44 चेंडूत 68 धावा केल्या होत्या. स्मृतीने यासह हरमनप्रीत आणि मितालीच्या विक्रमाची बरोबरी केली होती. तर आता स्मृतीने टी 20i वर्ल्ड कप स्पर्धेत भारताकडून सर्वाधिक अर्धशतकं करण्याचा विक्रम आपल्या नावावर केला आहे.
स्मृती मंधाना हीची शतकाची संधी हुकली
स्मृतीची सलग दुसऱ्या सामन्यात शतक करण्याची संधी हुकली. स्मृती दोन्ही सामन्यात अर्धशतकाचं रुपांतर शतकात करण्यात अपयशी ठरली. स्मृती पाकिस्तान विरुद्ध 68 धावांवर बाद झाली. तर स्मृतीने नेदरलँड्स विरुद्ध 74 धावा केल्या. स्मृतीने या खेळीत 11 चौकारांसह आणि 1 षटकारही लगावला.
उपकर्णधार स्मृती मंधानाचं सलग दुसरं अर्धशतक
Vice-captain making it count again! 💥
Smriti Mandhana backs up her 6️⃣8️⃣(44) in the previous game with 7️⃣4️⃣(47) today 💪
Updates ▶️ https://t.co/FMkrKB1zcS#TeamIndia | #T20WorldCup | #WomenInBlue | #INDvNED | @mandhana_smriti pic.twitter.com/d84EMAPg7O
— BCCI Women (@BCCIWomen) June 17, 2026
स्मृतीच्या भारताकडून सर्वाधिक धावा
दरम्यान स्मृती वर्ल्ड कप स्पर्धेच्या 10 व्या पर्वात भारताकडून सर्वाधिक धावा करणाऱ्या फलंदाजांच्या यादीत पहिल्या स्थानी विराजमान आहे. स्मृतीच्या नावावर 2 सामन्यांनंतर एकूण 142 धावा आहेत.
