IPL 2022: मलिंगा-ब्राव्हो ते हर्षल पटेल, जाणून घ्या गेल्या 14 वर्षातील पर्पल कॅप विजेत्यांची यादी

IPL च्या पहिल्या सीझनपासून म्हणजेच 2008 पासून पर्पल कॅप देण्याचा ट्रेंड सुरु आहे. लीगच्या शेवटी, जो गोलंदाज सर्वाधिक बळी पूर्ण करतो, त्याच्या डोक्यावर ही पर्पल कॅप असते. जलदगती गोलंदाज भुवनेश्वर कुमार आणि चेन्नई सुपरकिंग्सचा गोलंदाज ड्र्वेन ब्राव्होने ही कॅप सर्वात जास्त वेळा (2) जिंकली आहे.

Harshal PatelImage Credit source: IPL

अक्षय चोरगे, टीव्ही 9 मराठी डिजीटल टीम | Updated on: Mar 23, 2022 | 11:13 AM

मुंबई : इंडियन प्रीमियर लीग (IPL-2022), जगातील सर्वोत्तम क्रिकेट लीगपैकी एक आहे. ही स्पर्धा 26 मार्चपासून सुरू होत आहे. ही लीग स्पर्धात्मक वातावरणासाठी प्रसिद्ध आहे. या लीगने जगभरातील क्रिकेटपटूंच्या (Cricket) प्रामुख्याने भारतातल्या क्रिकेटपटूंच्या प्रतिभेला नवे आयाम दिले आहेत आणि केवळ भारतालाच नाही तर संपूर्ण जगाला आंतरराष्ट्रीय क्रिकेटमध्ये प्रसिद्धी मिळवून देणारे खेळाडू दिले आहेत. ही लीग टी-20 फॉरमॅटमध्ये खेळवली जात असल्याने साहजिकच येथे वेगवान क्रिकेट पाहायला मिळते, लीगमधल्या प्रत्येक सामन्यात धावांचा पाऊस पडतो, पण या लीगमध्ये काही गोलंदाजांनी हेही सिद्ध केलं आहे की, तुमच्यात प्रतिभा असेल तर चेंडूनेही सामना फिरवू शकता. आयपीएलमध्ये, जे खेळाडू गोलंदाजीत उत्कृष्ट कामगिरी करतात, लीगमध्ये सर्वाधिक विकेट घेतात त्या गोलंदाजाला पर्पल कॅप (Purple cap) देऊन त्याचा गौरव केला जातो.

IPL च्या पहिल्या सीझनपासून म्हणजेच 2008 पासून पर्पल कॅप देण्याचा ट्रेंड सुरु आहे. लीगच्या शेवटी, जो गोलंदाज सर्वाधिक बळी पूर्ण करतो, त्याच्या डोक्यावर ही पर्पल कॅप असते. जलदगती गोलंदाज भुवनेश्वर कुमार आणि चेन्नई सुपरकिंग्सचा गोलंदाज ड्र्वेन ब्राव्होने ही कॅप सर्वात जास्त वेळा (2) जिंकली आहे. तर मुंबई इंडियनसचा माजी खेळाडू लसिथ मलिंगाने या स्पर्धेत सर्वात जास्त विकेट घेतल्या आहेत.