Sunil Narine ची ऐतिहासिक कामगिरी, शतकासह महारेकॉर्डला गवसणी
Sunil Narine Century : सुनील नारायण याने इतिहास रचक महारेकॉर्ड केलाय. सुनीलने राजस्थान विरुद्ध शतक ठोकलं. सुनीलच्या टी 20 कारकीर्दीतील हे पहिलंवहिलं शतक ठरलं.
कोलकाता नाईट रायडर्सच्या सुनील नारायण याने इडन गार्डनमध्ये राजस्थान रॉयल्स विरुद्ध शतकी खेळी केली. आपल्या फिरकी गोलंदाजीसाठी प्रसिद्ध असलेल्या सुनीलने बॅटिंगने धमाका करत क्रिकेट विश्वाचं लक्ष पुन्हा एकदा वेधून घेतलं. सुनीलच्या टी 20 कारकीर्दीतील हे पहिलंवहिलं शतक ठरलं. तसेच सुनील केकेआरसाठी 49 चेंडूत शतक करणारा दुसरा फलंदाज ठरला. सुनीलआधी केकेआरच्या वेंकटेश अय्यर याने मुंबई इंडियन्स विरुद्ध 2023 साली शतक केलं होतं. सुनीलने 49 बॉलमध्ये 11 फोर आणि 6 सिक्सच्या मदतीने हे शतक पूर्ण केलं. सुनीलने 204.08 च्या स्ट्राईक रेटने शतक झळकावलं. सुनीलने 56 बॉलमध्ये 109 धावांची खेळी केली. सुनीलने या शतकी खेळीसह इतिहास रचला.
आयपीएलच्या इतिहासात पहिल्यांदाच
सुनील नारायण आयपीएलमध्ये या शतकासह आपल्या नावावर कीर्तीमान केला. सुनील आयपीएलमध्ये 1 शतक आणि 100 विकेट्स घेणारा पहिला खेळाडू ठरला. सुनीलच्याआधी अशी कामगिरी कोणत्याच खेळाडूला जमली नाही. तसेच सुनील शतक आणि हॅटट्रिक घेणारा तिसरा खेळाडू ठरलाय. सुनीलआधी आयपीएलमध्ये शतक ठोकण्याची आणि हॅटट्रिक घेण्याची किमया ही फक्त रोहित शर्मा आणि शेन वॉटसन या दोघांनीच केली आहे.
केकेआरसाठी शतक ठोकणारे फलंदाज
Innings Break‼
Sunil Narine’s maiden 1️⃣0️⃣0️⃣ propels #KKR to a huge total of 223/6 🎯
Stay tuned as #RR’s reply is coming up 🔜
Scorecard ▶️ https://t.co/13s3GZLlAZ #TATAIPL | #KKRvRR pic.twitter.com/1YVJTwjjRB
— IndianPremierLeague (@IPL) April 16, 2024
दरम्यान सुनील केकेआरसाठी आयपीएलमध्ये शतक करणारा तिसरा फलंदाज ठरला आहे. सुनीलआधी वेंकटेश अय्यर आणि ब्रँडन मॅक्युलम या दोघांनी शतकी खेळी केली होती. ब्रँडन मॅक्युलम याने आयपीएलच्या पहिल्या पर्वातील सलामीच्या सामन्यात शतक केलं होतं. त्यानंतर तब्बल 15 वर्षांनी 16 व्या हंगामात वेंकटेश अय्यरने केकेआरसाठी शतक ठोकलं. त्यानंतर आता सुनीलने ही कामगिरी केली आहे.
कोलकाता नाईट रायडर्स प्लेइंग ईलेव्हन : श्रेयस अय्यर (कॅप्टन), फिलिप सॉल्ट (विकेटकीपर), सुनील नारायण, आंग्रिश रघुवंशी, व्यंकटेश अय्यर, रिंकू सिंग, आंद्रे रसेल, रमणदीप सिंग, मिचेल स्टार्क, वरुण चक्रवर्ती आणि हर्षित राणा.
राजस्थान रॉयल्स प्लेइंग ईलेव्हन : संजू सॅमसन (कॅप्टन आणि विकेटकीपर), यशस्वी जयस्वाल, रियान पराग, ध्रुव जुरेल, शिमरॉन हेटमायर, रोवमन पॉवेल, रविचंद्रन अश्विन, ट्रेंट बोल्ट, आवेश खान, कुलदीप सेन आणि युझवेंद्र चहल.
