RCB vs DC : आरसीबी घरच्या मैदानात मोठी धावसंख्या करण्यात अपयशी, दिल्लीसमोर 164 रन्सचं टार्गेट, कोण जिंकणार?
Royal Challengers Bengaluru vs Delhi Capitals Ipl 2025 : रॉयल चॅलेंजर्स बंगळुरुला शानदार सुरुवात मिळाली होती. मात्र दिल्ली कॅपिट्ल्सच्या गोलंदाजांनी आरसीबीला ठराविक अंतराने झटके दिले. त्यामुळे आरसीबीला घरच्या मैदानात मोठी खेळी करता आली नाही.
रॉयल चॅलेंजर्स बंगळुरुने आयपीएलच्या 18 व्या मोसमातील 24 व्या सामन्यात घरच्या मैदानात खेळताना दिल्ली कॅपिटल्ससमोर 164 धावांचं आव्हान ठेवलं आहे. आरसीबीने 20 ओव्हरमध्ये 7 विकेट्स गमावून 163 धावा केल्या. आरसीबीसाठी फिलिप सॉल्ट आणि टीम डेव्हिड या दोघांनी सर्वाधिक 37 धावांची खेळी केली. टीम डेव्हिड याने फिनीशिंग टच दिला, ज्यामुळे आरसीबी दिल्लीसमोर सन्मानजनक आव्हान ठेवण्यात यशस्वी ठरली. तर त्या दरम्यान विराट कोहली कर्णधार रजत पाटीदार या दोघांनी छोटेखानी मात्र महत्त्वाची खेळी केली.
चांगली सुरुवात मात्र त्यानंतर डाव गडगडला
आरसीबीच्या फिलीप सॉल्ट आणि विराट कोहली या सलामी जोडीने कडक सुरुवात केली. या दोघांनी जोरदार फटकेबाजी करत दिल्लीच्या गोलंदाजांची धुलाई केली. मात्र फिलीप सॉल्ट रन आऊट झाला आणि सर्वच गणित बिघडलं. आरसीबीने 61 धावावंर पहिली विकेट गमावली. सॉल्टने 17 चेंडूत 4 चौकार आणि 3 षटकारांच्या मदतीने 37 धावा केल्या. इथून आरसीबीचा डाव गडगडला आणि दिल्लीने सामन्यात कमबॅक केलं. आरसीबीला पहिल्या विकेटनंतर कमबॅक करता आलंच नाही. दिल्लीने आरसीबीला ठराविक अंतराने झटके दिले, ज्यामुळे आरसीबीला मोठी धावसंख्या उभारता आली नाही.
सॉल्टनंतर देवद्दत पडीक्कल 1, विराट कोहली 22, लियाम लिविंगस्टोन 4, जितेश शर्मा 3, कर्णधार रजत पाटीदार 25 आणि कृणाल पंड्या 18 धावा करुन आऊट झाले. तर अखेरच्या क्षणी टीम डेव्हिड याने फटकेबाजी करत आरसीबीला 160 पार पोहचवलं. डेव्हीडने 20 चेंडूत 2 चौकार आणि 4 षटकारांच्या मदतीने नाबाद 37 धावा केल्या. तर भुवनेश्वर कुमारने नाबाद 1 धाव केली. तर दिल्लीकडून कुलदीप यादव आणि विपराज निगम या दोघांनी प्रत्येकी 2-2 विकेट्स घेतल्या. तर मुकेश कुमार आणि मोहित शर्मा या दोघांनी प्रत्येकी 1-1 विकेट घेतली.
रॉयल चॅलेंजर्स बेंगळुरू प्लेइंग ईलेव्हन : फिलिप सॉल्ट, विराट कोहली, देवदत्त पडिक्कल, रजत पाटीदार (कर्णधार), लियाम लिव्हिंगस्टोन, जितेश शर्मा (विकेटकीपर), टिम डेव्हिड, क्रुणाल पंड्या, भुवनेश्वर कुमार, जोश हेजलवुड आणि यश दयाल.
दिल्ली कॅपिटल्स प्लेइंग ईलेव्हन: फाफ डू प्लेसिस, जेक फ्रेझर-मॅकगुर्क, केएल राहुल (विकेटकीपर), ट्रिस्टन स्टब्स, अक्षर पटेल (कर्णधार), आशुतोष शर्मा, विपराज निगम, मिचेल स्टार्क, मोहित शर्मा, कुलदीप यादव आणि मुकेश कुमार.
