IPL 2026: चेन्नई सुपर किंग्सबाबत रवींद्र जडेजाला अजूनही तितकंच प्रेम, व्हायरल फोटो तु्म्हीही व्हाल भावुक
आयपीएल 2026 स्पर्धेतील तिसरा सामना चेन्नई सुपर किंग्स आणि राजस्थान रॉयल्स यांच्यात पार पडला. हा सामना संजू सॅमसन आणि रवींद्र जडेजासाठी तितकाच महत्त्वाचा होता. कारण दोघही परस्पर विरोधी फ्रेंचायझीकडून खेळत आहेत.
आयपीएल 2026 स्पर्धेत राजस्थान रॉयल्स आणि चेन्नई सुपर किंग्स आमनेसामने आले होते. या सामन्यात राजस्थान रॉयल्सने चेन्नई सुपर किंग्सला 8 गडी राखून पराभूत केलं. या सामन्यात चेन्नई सुपर किंग्सला 127 धावांवर रोखण्यात राजस्थानला यश आलं. इतकंच काय तर हे आव्हान 12.1 षटकात पूर्ण केलं. या सामन्यात रवींद्र जडेजा आणि संजू सॅमसन परस्पर विरोधी फ्रेंचायझींकडून खेळत आहे. या स्पर्धेपूर्वी ट्रेड विंडोच्या माध्यमातून या दोन खेळाडूंची अदलाबदल करण्यात आली होती. त्यामुळे दोघंही नव्या जर्सीत होते. खरं तर दोन्ही खेळाडूंसाठी हा भावुक क्षण होता. रवींद्र जडेजाची आयपीएल स्पर्धेत खेळण्याची सुरूवात राजस्थान रॉयल्सपासून झाली होती. तर 12 वर्षे चेन्नई सुपर किंग्ससाठी खेळला होता. त्यामुळे त्याच्यासाठी हा भावुक क्षण होता. झालंही तसंच… त्याचा एक फोटो सोशल मीडियावर व्हायरल होत आहे. हा फोटो पाहून अनेकांना डोळ्यात अश्रू तरळले.
रवींद्र जडेजा चेन्नई सुपर किंग्सच्या डावात बाउंड्री लाईनवर क्षेत्ररक्षण करत होता. तेव्हा चेन्नई सुपर किंग्सचे चाहते त्याच्यासाठी चियर करत होते. हा क्षण अनुभवताना रवींद्र जडेजा भावुक झाला. सामना संपल्यानंतर रवींद्र जडेजा चेन्नई सुपर किंग्सची जर्सीला चुंबन घेताना दिसला. त्याने चेन्नई सुपर किंग्सचा वेगवान गोलंदाज खलील अहमदच्या जर्सीवरील सीएसकेच्या लोगोवर चुंबन केलं. हा फोटो सोशल मीडियावर वेगाने व्हायरल होत आहे. अष्टपैलू खेळाडूच्या भावनिक कृतीने सोशल मीडियावर अनेकांची मने जिंकली.
The best moment of tonight’s match was, when Jaddu kissed CSK logo on khaleel ahmad’s chest while having a conversation with khaleel. Jaddu still love and respect CSK🥺💛 pic.twitter.com/RDASHgg70e
— seema. (@moviemaniacs_7) March 30, 2026
रवींद्र जडेजा 2012 ते 2025 या कालावधीतील 12 हंगाम चेन्नई सुपर किंग्सकडून खेळला. आता राजस्थान रॉयल्सकडून खेळत आहे. आयपीएल 2026 स्पर्धेतील पहिलाच सामना चेन्नई सुपर किंग्स आणि राजस्थान रॉयल्स यांच्यात झाला. या सामन्यात रवींद्र जडेजाने 3 षटकं टाकली आणि 18 धावा देत 2 विकेट काढल्या. विशेष म्हणजे एकाच षटकात त्याने दोन विकेट काढत चेन्नई सुपर किंग्सला बॅकफूटवर ढकललं. त्याने सरफराज खान आणि शिवम दुबेची विकेट काढली. यात शिवम दुबेची विकेट खास होती. कारण त्याने या षटकात त्याला षटकार मारला होता.
