दक्षिण अफ्रिकेने ऑस्ट्रेलिया त्यांच्याच भूमीत लोळवलं, कर्णधार मिचेल मार्श वैतागून म्हणाला…

दक्षिण अफ्रिकेने तीन सामन्यांच्या वनडे मालिकेतील सुरुवातीचे दोन सामना जिंकून मालिका खिशात घातली. दक्षिण अफ्रिकेने ऑस्ट्रेलियाला त्यांच्याच भूमीत लोळवलं. सलग दोन सामन्यात विजय मिळवला आणि कांगारूंना बॅकफूटवर ढकललं. त्यामुळे तिसरा वनडे सामना हा औपचारिक असणार आहे. दुसऱ्या वनडे सामन्यात नाणेफेकीचा कौल दक्षिण अफ्रिकेच्या बाजूने लागला आणि प्रथम फलंदाजी स्वीकारली. दक्षिण अफ्रिकेने 49.1 षटकात सर्व गडी गमवून 277 धावा केल्या आणि विजयासाठी 278 धावांचं आव्हान दिलं. हे आव्हान गाठताना ऑस्ट्रेलियाचा संघ 193 धावांवरच गारद झाला. दक्षिण अफ्रिकेने हा सामना 84 धावांनी जिंकला. या विजयानंतर तीन सामन्यांची मालिका 2-0 ने खिशात घातली. दक्षिण आफ्रिकेने ऑस्ट्रेलियाविरुद्धच्या शेवटच्या सात एकदिवसीय सामन्यांपैकी सहा जिंकल्या. प्रत्येक सामन्यात प्रथम फलंदाजी केली. कोलकाता येथील ईडन गार्डन्स येथे झालेल्या 2023 च्या विश्वचषक स्पर्धेच्या उपांत्य फेरीचा अपवाद वगळता.

या पराभवानंतर ऑस्ट्रेलियाचा कर्णधार मिचेल मार्श संतापला. ‘निराशाजनक. एक संघ म्हणून आम्ही त्यांना गोलंदाजीतून परत आणले. फलंदाजी युनिट म्हणून, आम्ही काम करू शकलो नाही. त्यांनी अपवादात्मकपणे चांगली गोलंदाजी केली. सुरुवातीच्या काळात चेंडू स्विंग होत होता आणि त्यांनी आम्हाला मागे टाकले. बार्टलेटसारखे तरुण खेळाडू येऊन त्याचे काम करत असल्याचे पाहणे नेहमीच छान असते. निराशाजनक पराभव पण श्रेय दक्षिण आफ्रिकेला जाते.’

दक्षिण आफ्रिकेने ऑस्ट्रेलियाविरुद्धच्या गेल्या 10 द्विपक्षीय एकदिवसीय मालिकेपैकी आठ जिंकले आहेत. यात मागच्या पाचपैकी प्रत्येकी एकदिवसीय सामने आहेत. दक्षिण अफ्रिकेचा कर्णधार एडेन मार्करम म्हणाला की, ‘अर्थातच ही एक उत्तम भावना आहे. ऑस्ट्रेलियात येऊन एक सामना शिल्लक असताना मालिका संपवणे हे कधीच सोपे काम नव्हते. चेंजिंग रूममध्ये मुले खूपच आनंदी आहेत. लंग्सने ज्या पद्धतीने कामगिरी केली त्याबद्दल तो अविश्वसनीयपणे आनंदी आहे.’ या मालिकेतील शेवटचा साना 24 ऑगस्टला होणार आहे.

लुंगी एनगिडीला सामनावीराचा पुरस्कार मिळाला. त्यानंतर त्याने सांगितलं की, ‘हा एक लांब दौरा होता. खऱ्या अर्थाने खेळाची परीक्षा. आज रात्री अशा कामगिरीचा आनंद झाला. रबाडाच्या अनुपस्थितीत निश्चितच पुढे जावे लागले. अर्थातच आम्हाला माहित आहे की तो आमच्या आक्रमणाचा प्रमुख आहे. जेव्हा तो खाली पडला तेव्हा मला माहित होते की माझ्याकडे मोठी जबाबदारी आहे. मी म्हटल्याप्रमाणे ही खेळाची परीक्षा होती.’