ICC Test Ranking: विराट कोहली टेस्ट रँकिंगच्या टॉप 10 मधून बाहेर, 2053 दिवसांनी झाली अशी दुर्दशा
ICC Test Ranking: भारताचा दिग्गज फलंदाज विराट कोहली (Virat Kohli) मागच्या अडीच वर्षापासून एकही शतक झळकवू शकलेला नाही. त्यात आता विराटला आणखी एक झटका बसला आहे.
मुंबई: भारताचा दिग्गज फलंदाज विराट कोहली (Virat Kohli) मागच्या अडीच वर्षापासून एकही शतक झळकवू शकलेला नाही. त्यात आता विराटला आणखी एक झटका बसला आहे. विराट कोहली कसोटी क्रमवारीत (Test Ranking) टॉप 10 मधून बाहेर गेला आहे. बुधवारी जारी झालेल्या नव्या टेस्ट रँकिंगमध्ये विराट कोहलीची 13 व्या स्थानावर घसरण झाली आहे. विराट कोहली एजबॅस्टन कसोटीआधी (Edgebaston Test) 10 व्या स्थानावर होता. पण खराब प्रदर्शनामुळे त्याच्या क्रमवारीत आणखी तीन स्थानांची घसरण झाली आहे. विराट कोहली मागच्या 6 वर्षापासून टॉप 10 मध्ये होता. पण आता 2053 दिवसांनी तो टॉप 10 मधून बाहेर गेला आहे.
विराटने दोन वर्षात किती धावा केल्या?
विराट कोहलीचं खराब प्रदर्शन हेच टॉप 10 मधून बाहेर होण्याचं एक कारण आहे. विराट कोहलीला मागच्या दोन वर्षांपासून कसोटी क्रिकेटमध्ये अपेक्षित कामगिरी करता आलेली नाही. विराट कोहली मागच्या दोन वर्षात 16 कसोटी सामने खेळलाय. त्यात त्याने 29.78 च्या सरासरीने 834 धावा केल्या आहेत. या दरम्यान विराटने एकही शतक झळकावलेलं नाही. विराटने फक्त 6 अर्धशतक झळकावली आहेत. या दरम्यान 4 वेळा तो शुन्यावर आऊट झालाय.
? India star attains career-high ranking ? ? Joe Root creates history ? ? England star breaks into top 10 ?
Latest movements in the @MRFWorldwide ICC Men’s Player Rankings ?
— ICC (@ICC) July 6, 2022
विराट OUT, जॉनी बेयरस्टो IN
इंग्लंडचा फलंदाज ज्यो रुट पहिल्या स्थानावर कायम आहे. त्याच्याकडे 900 पेक्षा जास्त रेटिंग पॉइंट्स आहेत. ऑस्ट्रेलियाचा मार्नस लाबुशेन दुसऱ्यास्थानावर आहे. त्याचे 879 रेटिंग पॉइंट्स आहेत. स्टीव स्मिथ तिसऱ्या आणि बाबर आजम चौथ्या स्थानावर आहे. ऋषभ पंत कसोटी क्रमवारीत पाचव्या नंबरवर पोहोचला आहे. रोहित शर्मा 9 व्या स्थानावर आहे. इंग्लंडचा फलंदाज जॉनी बेयरस्टोने टॉप 10 मध्ये प्रवेश केला आहे. तो 10 व्या स्थानावर आहे. काल भारताविरुद्ध त्याने शानदार शतकी खेळी केली होती.
