WI vs IND : ज्याती भीती तेच झालं, टीम इंडियासाठी वाईट बातमी
टीम इंडियाकडे आता तब्बल 250 पेक्षा जास्त धावांची आघाडी आहे. वेस्ट इंडिज संघाला आधी 150 धावांवर गुंडाळल्यावर दोन्ही सलामीवारांनी शतके केली. त्यानंतर मात्र ज्याची भीती तेच झालं.
मुंबई : वेस्ट इंडिज आणि भारत यांच्यामध्ये पहिला कसोटी सामना सुरू आहे. सामन्यावर भारतीय संघाची पकड असून 400 धावांचा टप्पा पार केला आहे. टीम इंडियाकडे आता तब्बल 250 पेक्षा जास्त धावांची आघाडी आहे. वेस्ट इंडिज संघाला आधी 150 धावांवर गुंडाळल्यावर दोन्ही सलामीवारांनी शतके केली. त्यानंतर मात्र ज्याची भीती तेच झालं.
नेमकं काय झालंय?
टीम इंडियामध्ये गेल्या काही महिन्यांनी संघात कमबॅक केलेल्या अजिंक्य रहाणेला परत एकदा मोठी खेळी करण्यात अपयश आलं आहे. ज्या मैदानावर 21 वर्षाच्या युवा यशस्वी जयस्वाल याने 172 धावांची धमाकेदार खेळी केली. यामध्ये त्याने 16 चौकार आणि 1 षटकार मारला, तो बाद झाल्यावर मैदानात उतरलेल्या अजिंक्य रहाणेला फार काही वेळ मैदानात तग धरत आला नाही.
अजिंक्य रहाणेने 11 चेंडूत अवघ्या 3 धावा केल्या, वेस्ट इंडिजच्या केमार रोचने त्याला बाद करत तंबूत पाठवलं. रहाणे जर या मालिकेत अपयशी ठरला तर परत एकदा त्याच्या संघातील स्थानाबाबत टांगती तलवार आहे. आयपीएलमध्ये केलेल्या दमदार कामगिरीच्या जोरावर त्याने संघात कमबॅक केलं होतं. वर्ल्ड टेस्ट फायनलमध्ये त्याने केलेल्या झुंजार खेळीमुळे त्याच्याकडे वेस्ट इंडिज दौऱ्यासाठी त्याच्या गळ्यात उपकर्णधारजपदाची माळ पडली.
दरम्यान, अजिंक्य रहाणेला आता दुसऱ्या डावात चमकदार कामगिरी करावी लागणार आहे. आता मैदानात विराट कोहली आणि रविंद्र जडेजा खेळत आहेत. भारत पहिल्या डावात किती धावा करणार पाहावं लागणार आहे.
वेस्ट इंडिज प्लेइंग इलेव्हन | क्रेग ब्रेथवेट (कर्णधार), टॅगेनरिन चंद्रपॉल, रेमॉन रेफर, जर्मिन ब्लॅकवूड, एलिक एथानझे, जोशुआ डासिल्वा, जेसन होल्डर, रहकीम कॉर्नवॉल, अल्झारी जोसेफ, केमर रोच आणि जोमे वॉरिकन.
टीम इंडिया प्लेइंग इलेव्हन | रोहित शर्मा (कॅप्टन), अजिंक्य रहाणे (उपकर्णधार) , यशस्वी जयस्वाल, शुबमन गिल, विराट कोहली, रविंद्र जडेजा, इशान किशन, आर अश्विन, शार्दुल ठाकुर, जयदेव उनाडकट आणि मोहम्मद सिराज.
