MIW vs UPW : गुजरातनंतर आता युपीचा नंबर, मुंबई सलग तिसऱ्या विजयासाठी सज्ज, सामना किती वाजता?

Mumbai Indians Women vs UP Warriorz Women Match Preview : मुंबई इंडियन्स आणि युपी वॉरियर्स या दोन्ही संघांचा हा चौथ्या मोसमातील चौथा सामना असणार आहे. यूपीसमोर या सामन्यात विजयाचं खातं उघडण्याचं आव्हान असणार आहे.

Mumbai Indians Women Wpl 2026Image Credit source: Bcci/Wpl

sanjay patil | Updated on: Jan 14, 2026 | 11:28 PM

वूमन्स प्रीमियर लीग स्पर्धेतील चौथ्या मोसमातील आठव्या सामन्यात गतविजेता मुंबई इंडियन्स विरुद्ध यूपी वॉरियर्स आमेनसामने असणार आहेत. दोन्ही संघांचा हा या मोसमातील एकूण चौथा सामना असणार आहे. मुंबईने मोसमात पराभवाने सुरुवात झाल्यानंतर जोरदार कमबॅक केलं. मुंबईने आरसीबीकडून पराभूत झाल्यानंतर जोरदार मुसंडी मारली. भारताने दिल्ली कॅपिट्ल्सचा धुव्वा उडवला. त्यानंतर सलग 2 सामने जिंकणाऱ्या गुजरात जायंट्सचा विजयरथ रोखला. त्यामुळे मुंबईला यूपीवर मात करत या मोसमात एकूण सलग आणि तिसरा विजय मिळवण्याची संधी आहे.

यूपीसमोर सलग चौथा पराभव टाळण्याचं आव्हान, मुंबईला रोखणार?

दुसऱ्या बाजूला युपीला या मोसमात आतापर्यंत विजयी होता आलेलं नाही. यूपीचा या मोसमातील तिन्ही सामन्यांत पराभव झाला आहे. त्यामुळे यूपीसमोर मुंबई विरुद्ध विजय मिळवून सलग चौथा पराभव टाळण्याचं आव्हान असणार आहे. मात्र युपीसाठी मुंबई विरुद्ध विजय मिळवणं सोपं नसणार, हे स्पष्ट आहे. मुंबईने सलग 2 सामने जिंकले असल्याने विश्वास दुणावलेला आहे. मुंबई विरुद्ध युपी यांच्यातील सामना कधी आणि कुठे पाहता येईल हे सविस्तर जाणून घेऊयात.