तुमचा iPhone नवीन आहे की जुना? फक्त या एका अक्षरातून मिळवा संपूर्ण माहिती

तुमच्याकडे iPhone आहे का? किंवा तुम्ही नवीन iPhone घेण्याचा विचार करत आहात का? जर हो, तर ही बातमी तुमच्यासाठी खूप उपयोगी ठरू शकते. कारण तुमच्या iPhone चा मॉडेल नंबर खूप काही सांगतो अगदी तो नवीन आहे की रिप्लेस केलेला, रिफर्बिश्ड आहे की खास ऑर्डरचा, हे सर्व! विशेष म्हणजे iPhone च्या मॉडेल नंबरच्या पहिल्या अक्षरावरून तुम्हाला हे सर्व समजू शकतं. पण आश्चर्याची गोष्ट म्हणजे 90 टक्क्यांहून अधिक लोकांना हे अजूनही माहित नाही.

मॉडेल नंबर सांगतो iPhone ची ओळख

तुमचा iPhone ओरिजिनल आहे की दुसऱ्यांदा तयार केलेला आहे, हे तपासण्यासाठी सर्वप्रथम सेटिंग्स > अबाउट (About) या सेक्शनमध्ये जावं लागतं. तिथं मॉडेल नंबर दिसेल. त्या नंबरचा पहिला अक्षर तुमच्या iPhone ची खरी ओळख सांगतो. हा कोड Apple कडून दिला जातो आणि यावरून उत्पादनाची मूळ माहिती समजते. चला तर मग पाहूया त्या अक्षरांचे अर्थ:

• M : हा iPhone नवीन आहे आणि ओरिजिनल रिटेल युनिट म्हणून विकला गेला आहे.
• F : हा फोन रिफर्बिश्ड युनिट आहे, म्हणजे वापरण्यात आलेला आणि नंतर दुरुस्त करून पुन्हा विक्रीसाठी आणलेला.
• N : हा फोन रिप्लेस केला गेलेला युनिट आहे. म्हणजे मूळ iPhone मध्ये काही समस्या आल्यामुळे Apple ने वापरकर्त्याला नवीन युनिट रिप्लेस करून दिला.
• P : हा iPhone पर्सनलाइज्ड युनिट आहे, म्हणजे वापरकर्त्याने खास ऑर्डर देऊन घेतलेला, जसे engraving किंवा कस्टम सेटिंग्ससह.

हे लक्षात घेतल्यास तुम्हाला सहज कळू शकतं की तुमचा iPhone नेमका कोणत्या श्रेणीत मोडतो.

तुमचा iPhone कोणत्या देशात बनलाय?

फक्त पहिलं अक्षरच नाही, तर मॉडेल नंबरच्या शेवटच्या काही शब्दांवरून देखील महत्त्वाची माहिती मिळते तो iPhone कोणत्या देशासाठी तयार केला गेला आहे, हे त्यावरून समजतं. खाली दिलेली कोड्स त्या देशांचे प्रतिनिधित्व करतात:

• HN/A – India
• J/A – Japan
• ZA/A – Singapore
• CH/A – China
• KH/A – South Korea
• LL/A – USA
• B/A – UK
• AE/A – UAE

उदाहरणार्थ, जर तुमच्या iPhone चा मॉडेल नंबर MN572HN/A असा असेल, तर त्याचा अर्थ ‘M’ मुळे तो नवीन युनिट आहे आणि ‘HN/A’ मुळे तो भारतासाठी डिझाइन केलेला आहे.

ही माहिती का महत्त्वाची आहे?

आजच्या काळात iPhone विकत घेणं ही एक मोठी गुंतवणूक आहे. अनेकदा ऑनलाइन किंवा ऑफलाइन मार्केटमध्ये वापरलेले किंवा रिफर्बिश्ड फोन ‘नवीन’ म्हणून विकले जातात. त्यामुळे अशा फसवणुकीपासून वाचण्यासाठी ही छोटी पण प्रभावी माहिती फार मोलाची ठरते. जर तुम्ही सेकंड हँड iPhone विकत घेत असाल, तर त्याचा मॉडेल नंबर तपासणं अत्यावश्यक आहे.