स्वस्तात मस्त पोस्टपेड प्लॅन हवा ? BSNL च्या या प्लॅनमध्ये मिळतात भन्नाट फायदे; किंमत फक्त..
तुम्ही किफायतशीर पोस्टपेड प्लॅन शोधत असाल, तर BSNL चा 199 प्लॅन उत्तम पर्याय आहे. खासगी कंपन्यांच्या ₹400+ प्लॅनच्या तुलनेत हा भारतातील सर्वात स्वस्त पोस्टपेड प्लॅन आहे. यातील फायदेही भन्नाट आहेत. एका क्लिकवर जाणून घ्या माहिती..
सरकारी टेलिकॉम कंपनी BSNL कडे भारतातील सर्वात स्वस्त आणि मस्त आसा पोस्टपेड मोबाईल प्लान आहे. जिथे खासगी टेलिकॉम कंपन्यांचे पोस्टपेड प्लॅन साधारणपणे 400 रुपयांपासून सुरू होतात, तिथे BSNL अवघ्या 199 रुपयांत पोस्टपेड प्लॅन देत आहे. विशेष गोष्ट म्हणजे म्हणजे, कमी किमतीतही या प्लॅनमध्ये अनेक उपयुक्त सुविधा मिळतात. BSNL चा सर्वात स्वस्त पोस्टपेड प्लॅन दरमहा 199 रुपयांचा असून, ही ग्राहकांसाठी निश्चित मासिक किंमत आहे. या प्लॅनसोबत कंपनी डेटा रोलओव्हरची सुविधाही दिली जाते.
BSNL च्या 199 रुपयांच्या पोस्टपेड प्लॅनमध्ये मिळतं तरी काय ?
BSNL कंपनीतर्फे देण्यात येणाऱ्या या प्लॅनमध्ये ग्राहकांना दरमहा 25 GB हाय-स्पीड डेटा, देशभरात अमर्यादित व्हॉईस कॉलिंग आणि दररोज 100 SMS मिळतात. याशिवाय, या प्लॅनचे आणखी एक मोठे वैशिष्ट्य म्हणजे 75 GB पर्यंत डेटा रोलओव्हरसुविधा. म्हणजे एखाद्या महिन्यात डेटा पूर्ण वापरला गेला नाही, तर तो तिथेच संपत नाही, तर ग्राहकांना तो डेटा पुढल्या महिन्यातही वापरता येऊ शकतो. मात्र, या प्लॅनमध्ये फॅमिली ॲड-ऑन कनेक्शनची सुविधा उपलब्ध नाही.
TelecomTalk च्या माहितीनुसार, या किंमत श्रेणीत इतर कोणतीही टेलिकॉम कंपनी पोस्टपेड मोबाईल प्लॅन देत नाही. दरमहा 199 रुपयांत ग्राहकांना भरपूर डेटा आणि इतर आकर्षक फायदे मिळतात. आजच्या घडीला पहायला गेलं तर, देशातील अनेक प्रीपेड प्लॅनची किंमतही जवळपास इतकीच आहे. उदाहरणार्थ, तुम्ही Airtel किंवा Jio चा 199 रुपयांचा प्रीपेड प्लॅन घेतला, तरी तुम्हाला 25 GB डेटा किंवा पूर्ण एका महिन्याची वैधता मिळत नाही.
Jio चा 199 रुपयांच्या प्लॅनमध्ये काय ?
Jio च्या 199 रुपयांच्या प्रीपेड प्लॅनमध्ये दररोज 1.5 GB हाय-स्पीड डेटा आणि 18 दिवसांची व्हॅलिडिटी मिळते. म्हणजेच, एकूण 27 GB डेटा हा ग्राहकांसाठी उपलब्ध होतो. याव्यतिरिक्त, या प्लॅनमध्ये अनलिमिटेड व्हॉईस कॉलिंग, दररोज 100 SMS, तसेच JioTV आणि Jio AI Cloud Storage चा मोफत वापर करण्याची सुविधाही दिली जाते.
