DeepSeek AI की इतनी चर्चा क्यों है भाई? ChatGPT आणि Google Gemini ला धोबीपछाड; सिलिकॉन व्हॅलीत खळबळ

DeepSeek ची R1 AI मॉडेलने ChatGPT आणि Google Gemini ला मागे टाकून जगभरात खळबळ उडवली आहे. याची किंमत तुलनेने खूपच कमी आहे, ज्यामुळे ते अफोर्डेबल आहे. हे ओपन-सोर्स असल्याने वापरकर्ते त्यात बदल करू शकतात. या मॉडेलने अल्पावधीतच यश मिळवले आहे.

deepseek Image Credit source: tv9 marathi

निर्मिती तुषार रसाळ | Edited By: भीमराव गवळी | Updated on: Feb 06, 2025 | 1:50 PM

पूर्वी चीन, अमेरिका आणि रशिया या तीन बलाढ्य शक्तींमध्ये नेहमीच स्पर्धा पाहायला मिळायची. पण गेल्या काही काळापासून रशिया या स्पर्धेत मागे पडला आहे. आता खरी स्पर्धा आहे ती चीन आणि अमेरिकेत. हे दोन्ही देश वेगवेगळ्या क्षेत्रात आघाडीवर राहण्यासाठी नेहमीच प्रयत्न करताना दिसतात. पण यावेळे टेक्नॉलॉजीच्या जगात चीनने मोठी झेप घेत फक्त अमेरिकेतच नाही तर जगभरात खळबळ माजवली आहे. चीनच्या या आघाडीमुळे सिलिकॉन व्हॅलीलाही हादरे बसून गेले आहेत. Google, Microsoft सारख्या कंपन्या चीनच्या या कारनाम्यामुळे टेन्शमध्ये आल्या आहेत. चीनी कंपनी DeepSeek लॅबने R1 AI मॉडल लॉन्च केलंय. या मॉडलने जगाला प्रभावित केलं आहे. हे मॉडल जगभर प्रसिद्ध झालं आहे. आर्टिफिशियल इंटेलिजन्सच्या जगात ChatGPT, Google Gemini सारख्या AI मॉडललाही या चीनी मॉडेलने मागे टाकलं आहे. ...