या आठवड्यात भारतात लाँच होणार हे 3 नवे स्मार्टफोन्स, जाणून घ्या

तुम्ही जर नवीन फोन खरेदी करण्याचा विचार करत असाल, तर थोडा वेळ थांबणे तुमच्यासाठी उत्तम आहे. कारण या आठवड्यात केवळ एक-दोन नव्हे, तर तब्बल तीन नवीन स्मार्टफोन्स लाँच होणार आहेत. Lava Bold N2 Pro, Redmi Note 15 SE 5G आणि Vivo V70 FE हे फोन्स या आठवड्यात कधी लाँचहोतील आणि या तिन्ही फोन्समध्ये कोणते फिचर्स असतील? चला आजच्या लेखात याबद्दल जाणून घेऊयात.

Lava Bold N2 Pro भारतात या दिवशी होणार लाँच

हा आगामी लावा फोन 31 मार्च रोजी दुपारी 12 वाजता ग्राहकांसाठी लाँच केला जाईल. लाँच झाल्यानंतर हा फोन कंपनीच्या वेबसाइटसोबतच फ्लिपकार्टवरही विक्रीसाठी उपलब्ध होईल. या फोनच्या फिचर्सबद्दल बोलायचे झाल्यास या फोनमध्ये 6.67-इंचाचा एचडी+ डिस्प्ले, 50-मेगापिक्सलचा एआय ट्रिपल रियर कॅमेरा, 4 जीबी व्हर्च्युअल रॅम, युनिसॉक टी7250 प्रोसेसर, धूळ आणि पाण्यापासून संरक्षणासाठी आयपी54 रेटिंग, 5000एमएएच बॅटरी आणि क्लीन ओएस एक्सपीरियन्स असेल, म्हणजेच हा फोन कोणत्याही ब्लोटवेअरशिवाय लाँच केला जाईल.

Redmi Note 15 SE 5G स्मार्टफोन लाँच तारीख

हा आगामी रेडमी फोन या आठवड्यात 2 एप्रिल रोजी भारतीय बाजारात लाँच केला जाईल. लाँच झाल्यानंतर हा हँडसेट कंपनीच्या वेबसाइटसोबतच अॅमेझॉनवरही विक्रीसाठी उपलब्ध होईल. तो तीन रंगांच्या पर्यायांमध्ये उपलब्ध असेल, परंतु त्याच्या फिचर्सविषयीची माहिती अद्याप सांगण्यात आलेली नाहीये.

Vivo V70 FE भारतात लाँच होण्याची तारीख

200-मेगापिक्सल कॅमेरा सेन्सर असलेले हे डिव्हाइस 2 एप्रिल रोजी दुपारी 12 वाजता ग्राहकांसाठी लाँच केले जाईल. लाँच झाल्यानंतर हा फोन कंपनीच्या वेबसाइटसोबतच ॲमेझॉनवरही उपलब्ध होईल. डार्कनेस ग्लो तंत्रज्ञानाने सुसज्ज असलेला हा कंपनीचा पहिला फोन असेल. या फोनच्या फिचर्सबद्दल बोलायचे झाल्यास, या फोनमध्ये 8-मेगापिक्सलचा वाइड-अँगल कॅमेरा, 200-मेगापिक्सलचा OIS प्रायमरी कॅमेरा सेन्सर आणि 50-मेगापिक्सलचा सेल्फी कॅमेरा सेन्सर असेल. यामध्ये AI फीचर्स, 30x सुपर झूम, 7000 mAh बॅटरी, 90 W फ्लॅश चार्ज, 1.5K अल्ट्रा क्लियर OLED डिस्प्ले, 120 Hz रिफ्रेश रेट, HDR10 प्लस आणि ड्युअल स्टिरिओ स्पीकर्स यांसारखी विशेष फिचर्स उपलब्ध असतील.