8000mAh बॅटरीचा पॉवरफूल तगडा 5G फोन लाँच, भन्नाट आहेत फिचर्स, किंमत किती ?
मिड-रेंजमध्ये असलेला Pova 8 हा स्मार्टफोन भारतीय बाजारात लाँच झाला आहे. या नवीन फोनमध्ये 144Hz रिफ्रेश रेट आणि मोठी 8000mAh बॅटरी आहे. 45W फास्ट चार्जिंगसह येणाऱ्या या फोनमध्ये अनेक उत्तम फिचर्सचा समावेश आहे. चला तर मग पोवाच्या या फोनची खास फिचर्स आणि किंमत जाणून घेऊयात.
भारतीय बाजारपेठेत पोवा कंपनीचा बजेट फ्रेंडली स्मार्टफोन लाँच करण्यात आलेला आहे. पोवा 7 चा अपग्रेड असलेला Pova 8 लाँच करण्यात आला आहे. हा फोन दोन रॅम आणि स्टोरेज पर्यायांमध्ये उपलब्ध केला आहे. तीन रंगांच्या पर्यायांमध्ये उपलब्ध असलेल्या या फोनमध्ये मागील बाजूस कस्टमाइझ करण्यायोग्य अलाइव्ह मॅट्रिक्स डिस्प्ले आहे, जो विविध ॲप्सच्या नोटिफिकेशन्स दाखवतो. याव्यतिरिक्त या फोनमध्ये 144Hz रिफ्रेश रेट डिस्प्ले, मोठी 8000mAh बॅटरी आणि ड्युअल रियर कॅमेरा सेटअप आहे. चला तर मग आजच्या लेखात आपण पोवा 8ची किंमत आणि फिचर्स जाणून घेऊयात.
भारतात Pova 8 ची किंमत
या हँडसेटच्या बेस व्हेरिएंटमध्ये 6GB रॅम आणि 128GB स्टोरेज असून त्याची किंमत 29 हजार 999 रूपये आहे. याच हँडसेटच्या 8GB रॅम आणि 128GB स्टोरेज व्हेरिएंटची किंमत 31 हजार 999 रूपये आहे. हा फोन 16-बिट व्हाइट, टर्मिनल ग्रीन आणि प्लाझ्मा ऑरेंज रंगांमध्ये भारतीय बाजारात सादर करण्यात आला आहे. हा फोन फ्लिपकार्ट या ई-कॉमर्स प्लॅटफॉर्मवर विक्रीसाठी उपलब्ध केला आहे. स्पर्धेच्या बाबतीत बोलायचे झाल्यास हा फोन या किंमत श्रेणीतील मोटोरोला एज 60 प्रो, सॅमसंग गॅलेक्सी A36 5G आणि रियलमी 15 प्रो 5G सारख्या स्मार्टफोन्सना कडवी टक्कर देईल.
Pova 8 माहिती
अँड्रॉइड 16 वर आधारित HiOS 16 स्किनवर चालणाऱ्या या फोनमध्ये 144Hz रिफ्रेश रेट असलेला 6.76-इंचाचा फुल एचडी+ डिस्प्ले आहे. हा फोन 950 nits पर्यंत ब्राइटनेस आणि 1500Hz इन्स्टंटेनियस टच सॅम्पलिंग रेट देतो.
वेग आणि मल्टीटास्किंगसाठी, या हँडसेटमध्ये 6nm ऑक्टा-कोर मीडियाटेक डायमेन्सिटी 7100 प्रोसेसर आणि माली-G610 MC2 GPU देण्यात आला आहे. यात समर्पित G1 आणि SE1 सिग्नल चिपसेट्सचा देखील समावेश आहे.
कॅमेरा सेटअपबद्दल बोलायचे झाल्यास या फोनमध्ये 50-मेगापिक्सलचा सोनी LYT 600 प्रायमरी रियर कॅमेरा सेन्सर आहे. सेल्फीसाठी 13-मेगापिक्सलचा फ्रंट कॅमेरा सेन्सर देण्यात आला आहे. हा फोन पोर्ट्रेट मोड, टाइम-लॅप्स, सुपर नाईट मोड, व्लॉग मोड, ड्युअल व्हिडिओ आणि स्लो मोशन यांसारख्या फीचर्सना सपोर्ट करतो.
MIL-STD-810H प्रमाणपत्रासह येणाऱ्या या फोनमध्ये उष्णता कमी करण्यासाठी कूलिंग सिस्टीम आहे. 8000mAh बॅटरी असलेल्या या फोनमध्ये 45W फास्ट चार्जिंग सपोर्ट आहे. कंपनीचा दावा आहे की, एकदा चार्ज केल्यावर 1198.1 तासांपर्यंतचा स्टँडबाय टाइम, 39.5 तासांपर्यंतचा कॉलिंग टाइम आणि 17.77 तासांपर्यंतचा व्हिडिओ प्लेबॅक टाइम मिळतो.
