Google Gemini | गुगल जेमिनीमुळे तंत्रज्ञान क्षेत्रात क्रांती, हे तंत्रज्ञान आहे तरी काय?

नवी दिल्ली | 21 नोव्हेंबर 2023 : Tech जगतात सध्या शीतयुद्ध सुरु आहे. अनेक घाडमोडी आणि उलाढाली होत आहेत. जगात त्याविषयी कुणकुण असली तरी या विश्वातील अनेक गोष्टी अद्याप बाहेर आलेल्या नाहीत. कृत्रिम बुद्धीमतेच्या विश्वातील मोठे हादरे समोर आले आहेत. OpenAI मध्ये भूकंप आला आहे. सॅम ऑल्टमन आणि ग्रेग ब्रॉकमन हे बाहेर पडले आहेत. मायक्रोसॉफ्टमध्ये त्यांची एंट्री झाली आहे. तर इकडे गुगल कंपनीचा महत्वकांक्षी प्रकल्प Gemini ची जोरदार चर्चा रंगली आहे. या नवीन प्रकल्पामुळे यापूर्वीच्या Google Bard ची चर्चा मागे पडली आहे. काय आहे गुगल जेमिनी प्रकल्प?

Google BARD ची चर्चा

कंपनीने Google BARD चे अधिकृत लाँचिंग केले आहे. हे AI चॅटबॉट आहे. दीर्घकाळापासून लोक याची प्रतिक्षा करत होते. मायक्रोसॉफ्टचे ChatGPT चे नवीन BING, यामध्ये युझर्सला अनेक सुविधा मिळतात. Bing आणि ChatGPT ला टक्कर देण्यासाठी Google BARD मैदानात उतरविण्यात आले आहे.

काय आहे Google Gemini?

पण गुगल तंत्रज्ञानाचा विस्तार करणार आहे. कंपनीने bard च्या पुढे जाण्याची योजना आखली आहे. जेमिनी हा गुगलचा एआय चा भविष्यातील प्लॅटफॉर्म आहे. बार्ड, गुगलच्या लॅग्वेंट मॉड्यूल PaLM 2 वर आधारित आहे. तर जेमिनी हे तंत्रज्ञानातील त्यापुढील पाऊल आहे. यामुळे युझर्सला एकाच प्लॅटफॉर्मवर अनेक सुविधा आणि तंत्रज्ञानाचा वापर करता येईल. पुढील पिढीचे तंत्रज्ञान विकसीत करण्यासाठी जेमिनी मैदानात उतरणार आहे. हे तंत्रज्ञानाचे सुवर्ण युग असेल आणि आम्ही त्याची वाट पाहत असल्याचे, इनोव्हेशन क्षेत्रातील हे दमदार पाऊल असे सीईओ सुंदर पिचाई यांनी विश्वास व्यक्त केला.

काय जेमिनी देणार ChatGPT ला टक्कर?

Gemini हे मल्टिमॉडल कॅपेबिलिटीसह येत आहे. युझर्सला एकाचवेळी, एकाच प्लॅटफॉर्मवरुन अनेक कामे करता येतील. म्हणजे टेक्स्ट, कोड आणि ईमेज जनरेट आणि रीड सर्व एकाच ठिकाणी होईल. ChatGPT केवळ टेक्स्ट मॉडेल आहे. त्याच्या मदतीने चित्र तयार करता येत नाही की छायाचित्र शेअर करता येत नाही.