5 मे पासून ‘या’ स्मार्टफोन्समध्ये WhatsApp चालणार नाही, का ते घ्या जाणून

5 मे पासून अनेक स्मार्टफोन्समध्ये असलेल्या व्हॉट्सॲप काम करणे बंद करणार आहे. दरवर्षी व्हॉट्सॲपअशा फोन्सची यादी जारी करते जे खूप जुने आहेत आणि अशा फोनकरिता कंपनीने सॉफ्टवेअर अपडेट्स देणे बंद केले आहे. WhatsApp फक्त iOS 15.1 किंवा त्यावरील वर्जनमध्ये काम करेल. म्हणजेच ज्या लोकांकडे iPhone 5s, iPhone 6आणि iPhone 6 Plus आहेत. त्यांच्या फोनवर व्हॉट्सॲप चालणार नाही. त्या लोकांना व्हॉट्सॲप सेवा सुरू करण्यासाठी नवीन डिव्हाइस घ्यावा लागेल.

मेटा व्हॉट्सॲपसपोर्ट का बंद करत आहे?

व्हॉट्सॲप आपल्या वापरकर्त्यांच्या सोयी सुधारण्यासाठी आणि त्यांची गोपनीयता मजबूत करण्यासाठी सतत काम करत असते. त्यामुळे दरवर्षी ते जुन्या उपकरणांची यादी जाहिर करतात जे व्हॉट्सॲपकरिता सुरक्षित नाहीत. ज्यामध्ये अपडेटेड फीचर्स काम करणार नाहीत. तसेच कंपनीने सॉफ्टवेअर अपडेट्स देणे बंद केले असेल. त्याचबरोबर ज्या आयफोन मॉडेल्ससाठी ॲपल सुरक्षा अपडेट देत नाही, त्या मॉडेल्समध्ये डेटा चोरी किंवा व्हायरसचा धोका वाढतो. यामध्ये व्हॉट्सॲप बिझनेस अ‍ॅपचाही समावेश आहे.

या आयफोन मॉडेल्सवर व्हॉट्सॲप चालत राहील

व्हॉट्सॲप सर्व जुन्या मॉडेल्सवरील त्यांचा सपोर्ट काढून टाकत नाहीये. iPhone 8 आणि iPhone X ला अजूनही व्हॉट्सअॅप सपोर्ट मिळत राहील. पण एक गोष्ट लक्षात ठेवायला हवी की कंपनी या मॉडेल्सना सॉफ्टवेअर अपडेट्स देत नाहीये. त्यानुसार, येत्या काही वर्षांत या उपकरणांवर व्हॉट्सॲप सपोर्ट उपलब्ध होणे बंद होण्याची शक्यता आहे.

ते टाळण्यासाठी हे उपाय करा

जर तुम्ही दररोज व्हॉट्सॲप वापरत असाल तर असा स्मार्टफोन खरेदी करण्याचा प्रयत्न करा ज्यामध्ये नवीनतम सॉफ्टवेअर असेल. तुम्ही सेकंड हँड आयफोन खरेदी करत असलात तरी सॉफ्टवेअरकडे लक्ष देणे महत्त्वाचे आहे. नवीन सॉफ्टवेअर अपडेटसह फोन खरेदी करण्याचा फायदा असा आहे की तुम्हाला WhatsApp च्या नवीनतम वैशिष्ट्यांचा – चॅट लॉक, डिसपायरिंग मेसेज फीचर आणि प्रायव्हसी सेटिंग्जचा देखील फायदा मिळेल.