PF Update | खुशखबरः पीएफ खात्यात व्याज जमा; ‘असा’ चेक करा तुमचा बॅलन्स

21.28 कोटी खात्यांमध्ये आर्थिक वर्ष 2021-22 साठी 8.5 टक्के व्याजदर जमा झाला आहे. कर्मचारी भविष्य निर्वाह निधी संघटनेने ट्विटरच्या माध्यमातून ही खुशखबर दिली आहे. चालू महिन्याच्या अखेरीस सहा कोटी खातेदारांना याचा लाभ मिळेल.

PF Update | खुशखबरः पीएफ खात्यात व्याज जमा; 'असा' चेक करा तुमचा बॅलन्स
पीएफ खात्यात व्याज जमा

नवी दिल्ली : कोरोना महामारीचा सेवा क्षेत्रालाही मोठा फटका बसला आहे. या पार्श्वभूमीवर नोकरदारांना दिलासा देत केंद्र सरकारने मोठी खुशखबर दिली आहे. सरकारने भविष्य निर्वाह निधी खात्यातील रक्कमेवर वाढीव व्याजदरांना मंजुरी दिल्यानंतर पीएफ खात्यामध्ये सुधारित व्याजाची रक्कमही जमा केली आहे. 21.28 कोटी खात्यांमध्ये आर्थिक वर्ष 2021-22 साठी 8.5 टक्के व्याजदर जमा झाला आहे. कर्मचारी भविष्य निर्वाह निधी संघटनेने ट्विटरच्या माध्यमातून ही खुशखबर दिली आहे. चालू महिन्याच्या अखेरीस सहा कोटी खातेदारांना याचा लाभ मिळेल.

या वर्षाच्या सुरुवातीला EPFO ने 2020-21 या आर्थिक वर्षासाठी भविष्य निर्वाह निधी ठेवींवरील व्याजाचा दर 8.5 टक्क्यांवर कायम ठेवण्याचा निर्णय घेतला. त्याआधी कामगार मंत्रालयाच्या प्रतिनिधींनी अर्थ मंत्रालयाला व्याजदर निश्चित करण्याच्या निर्णयावर वेळीच तोडगा काढण्यास सांगितले होते. त्यानुसार कर्मचारी भविष्य निर्वाह निधी संघटनेने नोकरदारांच्या अर्थात पीएफ खातेधारकांच्या खात्यात वाढीव व्याजाची रक्कम जमा केली आहे.

कोरोना महामारीमुळे व्याज दरात बदल नाही

EPFO ने कोविड-19 महामारीच्या पार्श्वभूमीवर आर्थिक वर्ष 2021-22 साठी व्याजदरामध्ये कोणताही बदल न करण्याचा निर्णय घेतला होता. कोरोना महामारीमुळे आर्थिक विवंचना निर्माण झाल्यानंतर नोकरदारांना योगदानापेक्षा जास्त पैसे काढले. त्याचा EPFO ने व्याजदर जैसे थे ठेवण्याचा निर्णय घेतला. आर्थिक वर्ष 2020-21 मध्ये जेव्हा महामारीने देशात थैमान घालायला सुरुवात केली होती, तेव्हा व्याजदर कमी झाला होता.

अनेकांच्या खात्यात रक्कम जमा

EPFO ने चालू आर्थिक वर्षासाठी अतिरिक्त व्याजदरासह खात्यात रक्कम जमा केली आहे. अनेकांनी त्यांना रक्कम मिळाल्याची पुष्टी केली आहे. पण त्यांनी खात्यातील शिल्लक कशी तपासली? तपशील सामायिक करण्यासाठी तुम्ही तुमच्या नियोक्त्यावर अवलंबून राहू नका. कारण तुम्ही वेगवेगळ्या पद्धती वापरून कधीही डिजिटल पद्धतीने तुमचा पीएफ बॅलन्स तपासू शकता. यामध्ये उमंग अॅप, ईपीएफओ सदस्य ई-सेवा वेबसाइट, एसएमएस किंवा मिस्ड कॉलवरून बॅलन्स तपासणे सोपे झाले आहे.

ईपीएफओ सदस्य ई-सेवा पोर्टलद्वारे ईपीएफओ बॅलन्स कसा तपासायचा?

– तुम्ही तुमचा सक्रिय युनिव्हर्सल अकाउंट नंबर (UAN) वापरून सरकारद्वारे चालवल्या जाणाऱ्या EPFO पोर्टलचा वापर करून तुमच्या पीएफचा बॅलन्स तपासू शकता. तुम्ही हे पोर्टल वापरून तुमचे ई-पासबुक डाउनलोड आणि प्रिंटदेखील करू शकता.

– यासाठी तुम्हाला www.epfindia.gov.in वर लॉग इन करावे लागेल आणि ‘आमच्या सेवा’ ड्रॉपडाउन मेनूमधील ‘कर्मचाऱ्यांसाठी’ पर्यायावर क्लिक करावे लागेल.

– त्यानंतर, ‘सेवा’ अंतर्गत ‘सदस्य पासबुक’ पर्यायावर क्लिक करा, जिथे तुम्हाला तुमचे पासबुक पाहण्यासाठी तुमचा UAN क्रमांक आणि पासवर्ड द्यावा लागेल.

– या सेवेत प्रवेश करण्यासाठी तुमच्याकडे सक्रिय UAN असणे आवश्यक आहे आणि जर तुमचा युनिव्हर्सल खाते क्रमांक तुमच्या नियोक्त्याने सक्रिय केला नसेल तर तो उपलब्ध होणार नाही.

– तुमच्याकडे UAN नसल्यास, epfoservices.in/epfo/ या लिंकवर क्लिक करा आणि तुमच्या ऑफिस लिंकवर क्लिक करण्यापूर्वी तुमचे राज्य निवडा.

– तुमचा पीएफ खाते क्रमांक, नाव आणि नोंदणीकृत मोबाइल क्रमांक प्रविष्ट करा आणि ‘सबमिट’ क्लिक करा. तुम्ही तुमचा पीएफ बॅलन्स तपासू शकता.

एसएमएस सेवेद्वारे EPFO बॅलन्स कसा तपासायचा?

– EPFO सदस्य, ज्यांचे UAN सेवानिवृत्ती संस्थेकडे नोंदणीकृत आहेत, त्यांना त्यांच्या सर्वात अलीकडील योगदानाचा तपशील आणि भविष्य निर्वाह निधी शिल्लक एसएमएसद्वारे मिळवता येईल.

– तुम्हाला फक्त 7738299899 वर “EPFOHO UAN ENG” या मजकुरासह एसएमएस पाठवायचा आहे. इथे तुमच्या प्राधान्याच्या भाषेतील पहिली तीन अक्षरे दर्शविली जातात. ( उदा. ‘ENG’) तुम्हाला एसएमएस तमिळमध्ये मिळवायचा असल्यास ‘TAM’, बंगालीसाठी ‘BEN’, हिंदीसाठी ‘HIN’ वगैरे लिहू शकता. ही सेवा 10 वेगवेगळ्या भाषांमध्ये उपलब्ध आहे.

– या संदर्भात, तुम्ही तुमचे UAN तुमचे बँक खाते, आधार आणि PAN शी सिंक करायला विसरू नका. कारण EPFO त्याच्या सदस्यांचे तपशील संग्रहित करते. तुम्ही तुमच्या नियोक्त्याला तुमच्यासाठी सीडिंग करण्यास देखील सांगू शकता.

मिस्ड कॉल सेवेद्वारे EPFO बॅलन्स कसा तपासायचा?

– कर्मचारी भविष्य निर्वाह निधी संघटना किंवा EPFO सदस्य 011-22901406 या क्रमांकावर मिस कॉल देऊन पीएफ बॅलन्स तपासू शकता.

– यासाठी तुम्हाला तुमच्या नोंदणीकृत फोन नंबरवरून कॉल करावा लागेल.

– तुम्ही UAN पोर्टलवर नोंदणी केली असल्यास तुम्हाला तपशील प्रदान केला जाईल. या संदर्भात तुम्हाला तुमचा UAN लक्षात ठेवण्याची गरज नाही.

उमंग अॅपद्वारे EPFO बॅलन्स कसा तपासायचा?

सरकारचे उमंग अॅप कर्मचारी भविष्य निर्वाह निधी शिल्लक पाहण्यासाठी वापरू शकता. केंद्राने सुरू केलेल्या या अॅपचा वापर विविध सरकारी सेवांचा लाभ घेण्यासाठी केला जाऊ शकतो. याचा वापर करून, तुम्ही तुमचे EPF पासबुक पाहू शकता, तुमच्या भविष्य निर्वाह निधीचा दावा करू शकता आणि तुमच्या दाव्याचा मागोवा देखील घेऊ शकता. कर्मचाऱ्याला फक्त मोबाईल नंबर वापरून अॅपवर नोंदणी करावी लागेल. (Deposit of interest in PF account; Check your balance like this)

इतर बातम्या

900 कर्मचाऱ्यांना एकाच दिवशी काढले कंपनीतून, झुमवर सांगितले आज तुमचा शेवटचा दिवस

31 डिसेंबपर्यंत दाखल करता येणार ‘आयटीआर’; आयकर विभागाकडून जनजागृती

Published On - 3:02 pm, Mon, 6 December 21

Click on your DTH Provider to Add TV9 MARATHI