Gold Silver Rate | सोन्यात पुन्हा घसरण तर चांदीचा भावही कमी..सोन्यात गुंतवणुकीची संधी..

नवी दिल्ली : सोने आणि चांदीचा दर (Gold Silver Rate) पुन्हा गडगडले. गेल्या आठवडाभरापासून भावात घसरण सुरु आहे. आंतरराष्ट्रीय बाजारापासून (International Market) तर देशातंर्गत सराफा पेढ्यात सोन्याच्या किंमती घसरल्या आहेत. सोन्यासोबत चांदीची चमकही फिक्की पडली आहे.

अमेरिका आणि युरोपियन देशात मंदीच्या आशंकेने या महागड्या धातुच्या किंमतीत कमालीचा फरक दिसून येत आहे. अमेरिकेची केद्रीय बँक फेडरल रिझर्व्ह बँक पुन्हा व्याजदर वाढवण्याची दाट शक्यता आहे. व्याजदरात 100 बेसिस पॉइंट म्हणजे 1 टक्का वाढ होण्याची शक्यता आहे.

या सर्वांचा परिणाम सोन्या-चांदीच्या किंमतींवर झाला आहे. सोन्या-चांदीच्या किंमती चार महिन्यांच्या निच्चांकी स्तरावर पोहचल्या. त्यामुळे सोन्यात गुंतवणुकीसाठी हा सुवर्ण काळ समजण्यात येत आहे.

MCX वर गोल्ड फ्यूचरमध्ये 1.3 टक्के म्हणजे 600 रुपयांची घसरण झाली. सोन्याचा प्रति 10 ग्रॅम भाव 46,029 रुपयांवर पोहचला. चांदीतही घट आली. चांदी 1.6 टक्क्यांनी घसरली. चांदी प्रति किलो 63,983 रुपयांवर पोहचली.

गेल्या व्यापारी सत्रात सोने आणि चांदीच्या किंमतीत 1,000 ते 2,000 रुपयांची घसरण दिसून आली होती. आंतरराष्ट्रीय बाजारात ही सोन्याचा दरात 4.4 टक्क्यांची घसरण झाली. अमेरिकेत नोकऱ्या सोडणाऱ्यांचे प्रमाण वाढले आहे. तसेच महागाईचा आकडाही वाढला आहे. त्यामुळे येत्या काही काळात सोन्याचे भाव कमी होण्याची शक्यता आहे.

चांदीच्या भावात 7.5 टक्क्यांची घसरण आली आहे. हा दर गेल्या आठ महिन्यांतील सर्वात निच्चांकी स्तर आहे. चांदीत गेल्या वेळी 1.9 टक्क्यांची घसरण झाली.

सोन्याची शुद्धता तपासण्यासाठी एक अ‍ॅप बनवण्यात आले आहे. ‘BIS Care app’ या अ‍ॅपच्या माध्यमातून ग्राहक सोन्याची शुद्धता तपासू शकतात. तसेच या अ‍ॅपच्या मदतीने आपण फक्त सोन्याची शुद्धताच तपासू शकत नाही तर यासंबंधित तक्रारीसुद्धा नोंदवू शकतो.

वस्तूंचा परवाना, नोंदणी आणि हॉलमार्क क्रमांक चुकीचा असल्याचे आढळल्यास, ग्राहक या अ‍ॅपमधून लगेच त्याबद्दल तक्रार करू शकतात. या अ‍ॅपच्या माध्यमातून ग्राहकाला तक्रार नोंदविण्याबाबतची माहितीही तत्काळ मिळणार आहे.