दोन वर्षाच्या FD तूनही मिळणार नाही एवढा परतावा मिळाला आहे. कसा आणि कुठे फायदा झाला ते वाचा
काही शेअर्समधील नफा हा त्या कंपन्यांच्या स्वतःच्या कामगिरीवरही अवलंबून असतो, असाच एक स्टॉक हिंदुस्तान कन्स्ट्रक्शन कंपनी लिमिटेड म्हणजेच एचसीसीचा आहे. गुरुवारी झालेल्या ट्रेडिंग दरम्यान स्टॉकला गुंतवणूकदारांना सुमारे 15 टक्के परतावा मिळाला आहे.
मुंबईः शेअर बाजारातील (stock market) तेजी कायम असून आजही शेअर बाजार मोठी उसळी घेऊन बंद झाला. शेअर मार्केटमध्ये तेजीने एकदा उसळी घेतली की, गुंतवणूकदारांना (Investors) शेअर्समध्ये इतका परतावा मिळतो की, कोणत्याही बँकेच्या एफडीमध्ये (Bank FD) मिळत नाही इतका परतावा शेअर्समध्ये मिळून जातो. तर काही शेअर्समधील नफा हा त्या कंपन्यांच्या स्वतःच्या कामगिरीवरही अवलंबून असतो, असाच एक स्टॉक हिंदुस्तान कन्स्ट्रक्शन कंपनी लिमिटेड म्हणजेच एचसीसीचा आहे. गुरुवारी झालेल्या ट्रेडिंग दरम्यान स्टॉकला गुंतवणूकदारांना सुमारे 15 टक्के परतावा मिळाला आहे.
एचसीसीचा परतावा हा इतका मोठा आहे की, कोणत्याही बँकेमधून दोन वर्षानंतरही हा फायदा एफडीमधून मिळणार नाही. शेअर्स बाजारात आज हिंदुस्थान कन्स्ट्रक्शनच्या शेअरमध्ये मोठी उसळी आली आहे.
काही काळापासून स्टॉकमध्ये घसरण
हिंदुस्थान कन्स्ट्रक्शनच्या शेअरमध्ये आज मोठी उसळी बघायला मिळाली. बीएसईवर आज शेअर 14.6 टक्क्यांपर्यंत वाढला आहे. आजच्या शेअर बाजारा स्टॉकने 17.2 चा उच्चांक गाठला असून स्टॉकची मागील बंद पातळी 15 होती. स्टॉकचा एक वर्षाचा उच्चांक 20 आहे, तर स्टॉकला मिळालेला वर्षाचा निच्चांक 7 आहे. मात्र, गेल्या काही काळापासून स्टॉकमध्ये घसरण दिसून येत आहे. महिनाभरापूर्वी हाच शेअर १७.५३ च्या पातळीवर होता, तर 3 महिन्यांपूर्वी स्टॉक 14.75 च्या पातळीवर राहिला होता. तर आजच्या बाजारभावात हा शेअर 17 च्या जवळ पोहोचला आहे. व्यवहाराच्या शेवटी हा शेअर 12 टक्क्यांच्या वाढीसह बंद झाला.
स्टॉक वाढला कारण
हिंदुस्थान कन्स्ट्रक्शन कंपनीच्या शेअरमध्ये झालेल्या आजच्या वाढीच्या बातमीनंतर कंपनीला 600 कोटी रुपयांची ऑर्डर मिळाली आहे. हा आदेश एका कंसोर्टियमकडून प्राप्त झाला असून त्यामध्ये ओम इन्फ्रा आणि एचसीसीचा समावेश आहे. कंपनीकडून प्रकाशित करण्यात आलेल्या पत्रकात सांगण्यात आले आहे की, HCC ला राजस्थानच्या सार्वजनिक आरोग्य अभियांत्रिकी विभागाकडून ओम इन्फ्रा सोबतच्या संघामध्ये ऑर्डर मिळाली आहे.
कंपनीकडून नळ पाणी पुरवठा योजना
मिळालेल्या आदेशानुसार कंपनीला बिकानेर जिल्ह्यातील घरांमध्ये नळ पोहोचवण्यासाठी नोखा पाणीपुरवठा प्रकल्प बांधावा लागणार आहे.या JV मध्ये HCC चा वाटा 50 टक्के आहे. करण्यात येणाऱ्या या कामामध्ये कंपनीला 1000 कि.मी. लांबीच्या पाण्याचे जाळे तयार करावे लागणार आहे. यामध्ये पाणी पुरवठ्यासाठी लागणाऱ्या सर्व प्रकारचे काम करावे लागणार आहे. या नेटवर्कच्या मदतीने बिकानेर जिल्ह्यातील दोन शहरांमधील 154 गावांना पाणीपुरवठा केला जाणार आहे.
(या बातमीतून कुणालाही गुंतवणुकीचा सल्ला देण्यात आला नाही; स्टॉकची एका दिवसाची कामगिरी येथे सांगण्यात आली आहे.)
संबंधित बातम्या
चुकीच्या जाहिरातींसाठी सेलिब्रिटींना मोजावी लागणार किंमत; दंडासह तुरुंगवारीचा दणका
