ITR Filing: पटापट कामं आटोपून घ्या; ‘या’ दिवशी आयकर पोर्टल 12 तास राहणार बंद
Income Tax portal | www.incometax.gov.in हे पोर्टल 7 जूनपासून सुरु झाले होते. कर भरतानाची प्रक्रिया सुलभ व्हावी, या उद्देशाने हे पोर्टल तयार करण्यात आले होते. मात्र, या नव्या पोर्टलचा वापर करताना करदात्यांना अनेक अडचणी येत असल्याचे निदर्शनास आले होते.
नवी दिल्ली: तुम्ही आयकर परतावा भरण्याचा विचार करत असाल तुमच्यासाठी एक महत्त्वाची बातमी आहे. आयकर विभागाची नवीन वेबसाइट शनिवारी (23 ऑक्टोबर) आणि रविवारी (24 ऑक्टोबर) बंद राहणार आहे. तांत्रिक देखभालीसाठी हा तात्पुरता ब्रेक घेण्यात येणारआहे. त्यामुळे आज रात्री 10 ते उद्या सकाळी 10 पर्यंत आयकर पोर्टलचे कामकाज बंद असेल. मात्र, या काळात तुम्ही पोर्टलवर ITR फाइल करु शकता. स्वतःची कायदेशीर वारस म्हणून नोंदणी करू शकता, इन्कम टॅक्स रिटर्नच्या पडताळणीसाठी तुमची डिजिटल स्वाक्षरी नोंदवू शकता.
7 जूनला सुरु झाले होते पोर्टल
www.incometax.gov.in हे पोर्टल 7 जूनपासून सुरु झाले होते. कर भरतानाची प्रक्रिया सुलभ व्हावी, या उद्देशाने हे पोर्टल तयार करण्यात आले होते. मात्र, या नव्या पोर्टलचा वापर करताना करदात्यांना अनेक अडचणी येत असल्याचे निदर्शनास आले होते. या पोर्टलवरील अनेक सुविधा सुरु नव्हत्या. त्याठिकाणी केवळ COMING SOON असा मेसेज दाखवला जात होता.
इन्फोसिस कंपनीला देण्यात आले होते प्रोजेक्ट
मोदी सरकारने ई-फायलिंग पोर्टल तयार करण्याची जबाबदारी इन्फोसिस कंपनीकडे सोपवली होती. इन्कम टॅक्स रिटर्नच्या प्रक्रियेतील सर्व सोपस्कार पार पाडण्यासाठी 63 दिवसांचा अवधी लागतो. ही प्रक्रिया एका दिवसात पार पाडण्यासाठी इन्फोसिसला या पोर्टलची जबाबदारी देण्यात आली होती. पोर्टल तयार करण्यासाठी केंद्र सरकारने जानेवारी 2019 ते जून 2021 या काळात इन्फोसिस कंपनीला 164.5 कोटी रुपये अदा केले होते.
नव्या टॅक्स पोर्टलमुळे करदाते हैराण; एक-दोन नव्हे तर 90 तांत्रिक अडचणी
केंद्र सरकारने नव्याने सुरु केलेल्या आयकर पोर्टलवरील तांत्रिक अडचणींमुळे करदाते प्रचंड हैराण झाले होते. यामध्ये एक-दोन नव्हे तर तब्बल 90 तांत्रिक त्रुटी असल्याची माहिती पुढे आली होती. या पार्श्वभूमीवर केंद्रीय अर्थमंत्री निर्मला सीतारामन आणि इन्फोसिसच्या अधिकाऱ्यांची बैठकही झाली होती. यावेळी निर्मला सीतारामन यांनी इन्फोसिसच्या अधिकाऱ्यांना अनेक सूचना केल्या. आयकर पोर्टल हे वापरण्याजोगे आणि सुलभ करावे. करदात्यांना हे पोर्टल वापरताना चांगला अनुभव मिळाला पाहिजे, असे निर्मला सीतारामन यांनी सांगितले होते.
संबंधित बातम्या:
New e-filing portal: नव्या टॅक्स पोर्टलमुळे करदाते हैराण; एक-दोन नव्हे तर 40 तांत्रिक अडचणी
