फडणवीसांनी विनंती केली, बावनकुळेंनी संपर्क केला, पण मी ऐकणार नाही- अजित पवार

कसबा आणि पिंपरी-चिंचवड पोटनिवडणूक बिनविरोध व्हावी म्हणून भाजप आग्रही आहे. तसं चंद्रकांत पाटील आणि भाजपचे प्रदेशाध्यक्ष चंद्रशेखर बावनकुळे यांनी बोलूनही दाखवलं आहे. त्यावर विधानसभेचे विरोधीपक्ष नेते आणि राष्ट्रवादीचे नेते अजित पवार यांनी भाष्य केलं आहे. मुख्यमंत्री एकनाथ शिंदे आणि देवेंद्र फडणवीस यांनी विनंती केली. बावनकुळेंचा फोन आला होता. पण त्यांच्याशी संपर्क होऊ शकला नाही. पण आम्ही ठाम आहोत. कसबा आणि पिंपरीची निवडणूक बिनविरोध होणार नाही. तर आम्ही आमचा उमेदवार देणार आहोत, असं अजित पवार म्हणालेत.