Mahesh Landge : …मग आम्ही काय बांगड्या भरल्यात का? महेश लांडगेंची ऐकरी भाषा अन् दादांना थेट इशारा
महेश लांडगे यांनी अजित पवारांना आम्ही काय बांगड्या घातल्या आहेत का? असे विचारत थेट इशारा दिला आहे. त्यांनी पवारांवर वतनाची जमीन, जरंडेश्वर कारखाना आणि 70 हजार कोटींच्या घोटाळ्याचे आरोप केले. लांडगे यांनी देवेंद्र फडणवीसांच्या नेतृत्वाची प्रशंसा करत, महाराष्ट्राच्या राजकारणात तीव्र भूमिका मांडली आहे.
महेश लांडगे यांनी अजित पवार यांना थेट इशारा दिला आहे. तुम्ही करेक्ट कार्यक्रम करता मग आम्ही काय बांगड्या घातल्या आहेत का? असा सवाल करत लांडगे यांनी पवारांना आव्हान दिले. आमच्याशी लढायची भाषा करायची नाही असेही ते म्हणाले. लांडगे यांनी आपण कोणाच्या वाकड्यात जात नाही, पण कोणी गेल्यास त्याला सोडत नाही असे स्पष्ट केले. लांडगे यांनी अजित पवारांवर अनेक गंभीर आरोप केले. वतनाची जमीन लुटली, जरंडेश्वर कारखाना लुटला आणि 70 हजार कोटींचा घोटाळा अशा प्रकरणांचा त्यांनी उल्लेख केला. पंतप्रधान नरेंद्र मोदींनी या घोटाळ्यांवर बोलल्यानंतर संबंधित व्यक्ती भाजपमध्ये गेल्याचेही त्यांनी नमूद केले. त्यांनी पवारांच्या कथित गुंडगिरीमुळे शहराचे वाटोळे झाल्याचा आरोप करत, देवेंद्र फडणवीस यांच्या नेतृत्वाची प्रशंसा केली. हे सर्व आरोप महाराष्ट्राच्या राजकारणातील सध्याच्या तणावाची वाढ दर्शवतात.
