Iran Israel War | इराण-अमेरिका संघर्षाचा फटका सर्वसामान्य नागरिकांना, कच्च्या तेलाच्या किंमतीत मोठी वाढ, खाद्यतेलाचे दरही वाढणार

इराण आणि अमेरिकेमधील सध्याच्या संघर्षामुळे कच्च्या तेलाच्या किमतींवर मोठा परिणाम झाला आहे. जागतिक बाजारात कच्च्या तेलाचा दर प्रति बॅरल 85 डॉलर्सवर पोहचला असून, दरात 8% पेक्षा जास्त वाढ झाल्याचे पाहायला मिळाले आहे. ही परिस्थिती देशातील खाद्यतेलाच्या किमतींवरही थेट परिणाम करणार असून, सूर्यफूल तेल, सोयाबीन तेल आणि पाम तेल यांसह इतर तेलांच्या किमतीत लिटरवर 3 ते 4 रुपये वाढ होण्याची शक्यता आहे. तज्ज्ञांचा अंदाज आहे की, जागतिक संघर्षामुळे या वाढीचा फटका सामान्य ग्राहकांपर्यंतही जाणार आहे. सरकारी व व्यापारी मंडळांद्वारे या परिस्थितीवर नियंत्रण ठेवण्यासाठी उपाययोजना सुरू आहेत, मात्र तेलवाढीमुळे घरगुती व औद्योगिक खर्चावर दबाव वाढण्याची शक्यता आहे.