Dhananjay Munde : अखेर तारीख आली समोर? धनंजय मुंडे ‘या’ दिवशी खाली करणार सरकारी सातपुडा बंगला!

मार्च महिन्यात मंत्रीपदाचा राजीनामा दिल्यानंतरही धनंजय मुंडे यांनी सातपुडा सरकारी बंगला अद्याप सोडलेला नाही. सूत्रांच्या माहितीनुसार, धनंजय मुंडे येत्या 30 सप्टेंबरपर्यंत आपला सरकारी सातपुडा बंगला खाली करणार असून त्यांनी तसे आश्वासन छगन भुजबळ यांच्या कार्यालयाला दिले आहे. छगन भुजबळ हे अन्न व नागरी पुरवठा मंत्री असून, त्यांना शासकीय निवासस्थानाची प्रतीक्षा आहे. जेव्हा धनंजय मुंडे यांनी बंगला सोडतील त्यानंतर तो बंगला छगन भुजबळ यांना देण्यात येणार आहे. मुंडे आणि भुजबळ यांच्या कार्यालयातील टीम या प्रकरणी संपर्कात आहेत आणि या महिन्याच्या अखेरीस हा ताबा हस्तांतरित होण्याची शक्यता आहे.