Devendra Fadnavis | माझी चाल कासवाची नाही, पण प्रेरणा… टीकाकारांच्या दगडफेकीवर फडणवीसांचा पलटवार

मुख्यमंत्री देवेंद्र फडणवीस यांनी आपल्यावर होणाऱ्या टीकेला कासवाच्या उपमेतून प्रत्युत्तर दिले आहे. “माझी चाल कासवाची नाही, पण प्रेरणा कासवाची आहे,” असे ते म्हणाले. टीकाकार दगडफेक करत असले तरी कासवाप्रमाणे कवचात शिरून आपण कामावर लक्ष केंद्रित करतो, अशी भूमिका फडणवीस यांनी मांडली.

राजकारणात तात्पुरती प्रसिद्धी मिळवणारे लोक लवकरच विस्मृतीत जातात, मात्र केलेले काम आणि घेतलेल्या निर्णयांचे सकारात्मक परिणाम पिढ्यानपिढ्या लक्षात राहतात, असे फडणवीस यांनी स्पष्ट केले. ते म्हणाले की, “माझी खात्री जर योग्य असेल आणि मी योग्य काम करत असेल, तर कितीही टीका झाली तरी मी हळू हळू पुढे जात राहतो.”

यापुढे स्पष्टीकरण देताना त्यांनी सांगितले की, कासवाप्रमाणे सातत्याने पुढे जात राहणे आणि टीकाकारांकडून दगडफेक झाल्यावर तात्पुरते शांत राहून पुन्हा आपले कार्य सुरू करणे, यावर त्यांचा विश्वास आहे. त्यांची चाल जरी वेगवान असली तरी कासवाचे हे तत्वज्ञान त्यांना प्रेरणा देते आणि यामुळेच ते नेहमी आपल्या ध्येयापर्यंत पोहोचतात, असा विश्वास त्यांनी व्यक्त केला.