अमेरिकेसोबतच्या ‘त्या’ करारामुळे प्रकरण पेटलं! हजारो शेतकरी रस्त्यावर, दिल्लीत मोठ्या हालचाली?

दिल्लीत आधीच विद्यार्थ्यांचे आंदोलन सुरू असताना आता पंजाबमधील शेतकऱ्यांच्या मोर्चामुळे राजधानीतील परिस्थिती आणखी तणावपूर्ण होण्याची शक्यता व्यक्त केली जात आहे. जंतर मंतर परिसरात सुरक्षा वाढवण्यात आली असून विविध ठिकाणी पोलिसांचा मोठा बंदोबस्त तैनात करण्यात आला आहे.

नीट पेपर लीक प्रकरणाच्या निषेधार्थ दिल्लीतील जंतर मंतरवर विद्यार्थ्यांचे आंदोलन सुरू आहे. केंद्रीय शिक्षण मंत्री धर्मेंद्र प्रधान यांनी राजीनामा द्यावा, अशी आंदोलकांची मागणी आहे. या आंदोलनाला विविध संघटनांचाही पाठिंबा मिळत आहे.

याचवेळी भारत-अमेरिका मुक्त व्यापार करार (FTA) रद्द करण्याच्या मागणीसाठी पंजाबमधील हजारो शेतकरी दिल्लीकडे मोर्चासाठी शंभू सीमेवर जमले आहेत. भारतीय किसान युनियनचे प्रमुख गुरनाम सिंह चढुनी यांना हरियाणा पोलिसांनी ताब्यात घेतले आहे. परिसरात कलम 163 लागू करण्यात आले असून बॅरिकेड्स उभारून वाहतुकीवर निर्बंध घालण्यात आले आहेत.