Kalyan : कल्याणच्या सहजानंद चौकात भरधाव कारचा थरार; संतप्त नागरिकांनी केली तोडफोड, नेमकं काय घडलं?

कल्याण शहरातील सहजानंद चौकात आज एक भीषण अपघात घडला. एका भरधाव कारने दोन ते तीन वाहनांना धडक दिली. या धडकेत एका रिक्षाचालकाला गंभीर दुखापत झाली असून, कार त्याच्या अंगावरून गेल्याची धक्कादायक घटना घडली. या अपघातात एकूण दोन जण जखमी झाले असून, त्यांना उपचारासाठी रुग्णालयात दाखल करण्यात आले आहे.

अपघातानंतर परिसरात एकच गोंधळ उडाला. घटनेची माहिती मिळताच संतप्त नागरिकांनी घटनास्थळी धाव घेतली. नागरिकांच्या संतापाचा उद्रेक झाल्याने त्यांनी अपघातग्रस्त कारची मोठ्या प्रमाणात तोडफोड केली. यामुळे काही काळ चौकात तणावाचे वातावरण निर्माण झाले होते. या अपघातात दोन वाहनांचे मोठे नुकसान झाले आहे. पोलीस या प्रकरणाचा पुढील तपास करत आहेत. चालकाने वेगावर नियंत्रण गमावल्याने हा अपघात झाल्याचे प्राथमिकदृष्ट्या दिसत आहे.