कुर्डूला बीडची उपमा अन् ग्रामस्थांकडून बंदची हाक! काय आहे प्रकरण?
कुर्डू गावात खासदार धैर्यशील मोहिते पाटील यांच्या विधानानंतर गाव बंद करण्यात आले. माजी सरपंच अण्णा ढाणे यांनी मोहिते पाटील यांच्यावर गंभीर आरोप केले आहेत. या प्रकरणात वाळू आणि मुरूम तस्करीचेही आरोप आहेत. उपमुख्यमंत्री अजित पवार यांच्या हस्तक्षेपाचेही आरोप आहेत आणि या प्रकरणाला राजकीय वळण लागले आहे.
कुर्डू गावात खासदार धैर्यशील मोहिते पाटील यांनी बीडच्या परिस्थितीशी तुलना केल्यानंतर ग्रामस्थांनी गाव बंद करण्याचा निर्णय घेतला. माजी सरपंच अण्णा ढाणे यांनी मोहिते पाटील यांच्यावर अकोलूतील वाल्मीक कराड असल्याचा आरोप केला आहे. ढाणे यांनी मोहिते पाटीलवर 50 हत्यांचाही गंभीर आरोप केला आहे. यामुळे या प्रकरणाला राजकीय रंग आला आहे. मंत्री जयकुमार गोरे यांनी गाव बंद ठेवून प्रश्न सुटणार नाही, असे म्हटले आहे. वाळू आणि मुरूम तस्करीवर कारवाई थांबणार नाही असेही त्यांनी स्पष्ट केले आहे. महिला आयपीएस अधिकारी अंजना कृष्णा यांना अजित पवारांच्या कार्यकर्त्यांनी धमकावले, असेही आरोप आहेत. या प्रकरणी अजित पवार यांच्यावर कारवाईची मागणी करण्यात येणार आहे.
Published on: Sep 13, 2025 11:19 AM
