शेतकऱ्यांना जास्तीत-जास्त मदत करू… पाहणी दौऱ्यादरम्यान CM फडणवीसांचं शेतकऱ्यांना आश्वासन

महाराष्ट्रातील लातूर आणि धाराशिव जिल्ह्यांमध्ये यंदा 50 % पाऊस झाल्यामुळे भीषण दुष्काळसदृश परिस्थिती निर्माण झाली आहे. यामुळे पिके पूर्णपणे करपली असून, विशेषतः सोयाबीन पिकाचे मोठे नुकसान झाले आहे. पिण्याच्या पाण्याचा आणि जनावरांच्या चाऱ्याचा प्रश्नही गंभीर बनला आहे, ज्यामुळे शेतकऱ्यांमध्ये मोठ्या प्रमाणात दुःख आणि आक्रोश आहे. या गंभीर परिस्थितीची दखल घेत, सरकारने शेतकऱ्यांच्या पाठीशी पूर्णपणे उभे राहण्याची ग्वाही दिली आहे. दुष्काळाशी संबंधित शासन निर्णय (जीआर) शनिवारी जाहीर केला जाईल आणि त्यानंतर तातडीने उपाययोजना सुरू करण्यात येतील, असे उपमुख्यमंत्री देवेंद्र फडणवीस यांनी नमूद केले.

शेतकऱ्यांना रब्बी हंगामासाठी मदत, पिण्याच्या पाण्याची व्यवस्था, जनावरांसाठी चारा आणि थेट आर्थिक मदत लवकरात लवकर उपलब्ध करून दिली जाईल. कर्जमाफी प्रभावीपणे राबवण्यासाठीही सरकार प्रयत्नशील आहे. काही बँकांनी चुकीच्या पद्धतीने लावलेले अतिरिक्त व्याज काढून शेतकऱ्यांची खाती दुरुस्त करण्याचे निर्देश देण्यात आले असून, ६ ते ७ लाख शेतकऱ्यांच्या खात्यात पैसे जमा केले जातील. पंचनाम्याचे आदेश दिले असले तरी, मदत सरसकट केली जाईल अशी ग्वाही सरकारने दिली आहे.