Maharashtra Cabinet: अब्दुल सत्तार यांनी घेतली मंत्रिपदाची शपथ

शिंदे गटाचे आमदार अब्दुल सत्तार यांनी आज मंत्रिपदाची शपथ घेतली. शिंदे गट आणि भाजप यांच्या प्रत्येकी नऊ असे 18 आमदार शपथ ग्रहण करणार आहेत.  शिक्षक पात्रता परीक्षा अर्थात (TET Exam) टीईटीमधील घोटाळ्यात (Abdul Sattar) आ. अब्दुल सत्तार यांचेही नाव असल्याचा आरोप करण्यात आला होता. यावरुन सत्तार हे सोमवारी दिवसभर चर्चेच्या केंद्रस्थानी राहिले होते. शिवाय विरोधकांनीही त्यांच्यावरील आरोपांची सखोल चौकशी करावी अशी मागणी केली होती. त्यामुळे त्यांना मंत्रिपदही मिळणार की नाही इथपर्यंत चर्चा येऊन पोहचली होती, मात्र त्यानंतरही सत्तार यांना मंत्रिपदाची लॉटरी लागली आहे.