मराठ्यांचा कुणबी प्रमाणपत्र मिळवण्याचा मार्ग मोकळा? मनोज जरांगेंसोबत सरकारच्या शिष्टमंडळाची चर्चा
संभाजीनगर येथे कुणालच्या मावशी पल्लवी जराड यांनी नातेवाईकांच्या आरोपांना जोरदार प्रत्युत्तर दिले आहे. मुरलीधर चांदगुडे यांच्या आईने केलेल्या आरोपांवरून पल्लवी जराड यांनी वीस वर्षांपूर्वी मुरलीधर यांच्या डोक्यात फावडं का टाकलं होतं, असा प्रतिप्रश्न केला आहे. योग्य वेळी सर्व प्रश्नांची उत्तरे मिळतील असे त्या म्हणाल्या.
मराठा आरक्षणासंदर्भात एक महत्त्वपूर्ण माहिती समोर आली आहे. आमदार प्रसाद लाड यांनी जाहीर केले आहे की, मराठा समाजाला कुणबी प्रमाणपत्रे देण्यासाठी ५८ लाखांहून अधिक जुन्या नोंदी नव्याने शोधण्यात आल्या आहेत. या नोंदींमध्ये जुनी खरेदीखते, सातबारा उतारे, खसरा पत्रके, गहाण खते, कोर्टातील नोंदी तसेच सेवा पुस्तकांमधील माहिती अशा विविध प्रकारच्या कागदपत्रांचा समावेश आहे.
लाड यांनी सांगितले की, शोधलेल्या एकूण ५८,९०,१५५ नोंदींपैकी १८,२७,८१७ कागदपत्रे स्कॅन करण्यात आली असून, ५८,२६,८६९ नोंदी शासकीय संकेतस्थळावर अपलोड करण्यात आल्या आहेत. या आकडेवारीनुसार, आतापर्यंत १४,२१,६३४ जात प्रमाणपत्रे दिली गेली आहेत. प्रलंबित अर्जांची संख्या १७,७७२ असून, त्यापैकी ५,५५२ अर्ज तातडीने पूर्ण करण्याचे उद्दिष्ट आहे. या शोधलेल्या नोंदींच्या आधारे मराठा समाजाला कुणबी दाखले मिळण्याची प्रक्रिया सुलभ होईल. प्रशासनाने ग्रामसेवक आणि तलाठी यांच्या माध्यमातून गावागावांत शोधलेल्या नोंदींची यादी लावून लोकांना संपर्क साधून प्रमाणपत्रे देण्याची प्रक्रिया गतीने करावी, अशी सूचनाही लाड यांनी केली. यामुळे अनेक पात्र लाभार्थ्यांना सहजपणे प्रमाणपत्रे मिळतील, असे ते म्हणाले.
