Marathwada MLC Constituency Election 2026 : अमरावती पाठोपाठ मराठवाड्यातही महायुतीचे उमदेवार आघाडीवर, Latest अपडेट काय?
मराठवाडा पदवीधर निवडणुकीसाठी मतमोजणी प्रक्रिया सुरू झाली आहे. सुरुवातीला पोस्टल मतांची मोजणी करण्यात येत असून, ५१५ पैकी २१ मते बाद ठरवण्यात आली आहेत. पहिल्या ३० मतांमध्ये महाविकास आघाडीचे उमेदवार प्रतापसिंह पाटील यांनी महायुतीचे सतीश चव्हाण यांच्यावर दोन मतांची आघाडी घेतली आहे. मतमोजणी अजूनही सुरू असल्याने अंतिम निष्कर्षावर पोहोचणे घाईचे ठरेल.
मराठवाडा पदवीधर मतदारसंघासाठी २०२६ मध्ये होणाऱ्या विधान परिषद निवडणुकीची मतमोजणी आता सुरू झाली आहे. सध्या पोस्टल मतांची मोजणी सुरू असून, या प्रक्रियेत ५१५ पैकी २१ मते बाद ठरवण्यात आली आहेत. सुरुवातीच्या कलांनुसार, महाविकास आघाडीचे उमेदवार प्रतापसिंह पाटील हे आघाडीवर असल्याचे दिसत आहे. पहिल्या ३० पोस्टल मतांच्या मोजणीमध्ये प्रतापसिंह पाटील यांना १३ मते मिळाली आहेत, तर महायुतीचे उमेदवार सतीश चव्हाण यांना ११ मते मिळाली आहेत.
यामुळे प्रतापसिंह पाटील यांनी सुरुवातीला २ मतांची आघाडी घेतली आहे. मतमोजणी प्रक्रिया ७० टेबलवर सुरू असून, पोस्टल मतांनंतर प्रत्यक्ष मतदानाच्या मतांची मोजणीही सुरू होईल. सध्याची आकडेवारी ही केवळ सुरुवातीची असून, अद्याप पोस्टल मतांची मोठी संख्या आणि प्रत्यक्ष मतदानाच्या मतांची मोजणी बाकी आहे. त्यामुळे अंतिम निकाल येईपर्यंत कोणताही ठोस निष्कर्ष काढणे योग्य ठरणार नाही, असे टीव्ही ९ मराठीच्या प्रतिनिधींनी सांगितले.
