भारतीय जनता युवा मोर्चा मुंबईतर्फे तेजिंदिरसिंग यांच्या नेतृत्त्वात शिवसेनेच्या विरोधात “फटकार मोर्चा” आयोजित करण्यात आला होता. भाजपनं काढलेल्या या फटकार मोर्चावेळी शिवसेना आणि भाजप कार्यकर्ते एकमेकांना भिडले. या आंदोलनावरुन राजकीय प्रतिक्रिया येण्यास सुरुवात झाली आहे. भाजप कार्यालयाबाहेरही आंदोलन झाली. आंदोलकांच्या अंगावर जाणार त्यांना मारहाण करणार, धाक दपटशाह करणं योग्य नाही, मुंबईची कायदा आणि सुव्यवस्था धोक्यात येऊ शकते, असं प्रविण दरेकर म्हणाले. काही कार्यकर्त्यांची कपडे फाडली असल्याचं समोर आलं आहे. पोलिसांनी जमाव पांगवण्यासाठी सौम्य लाठीमार देखील केला. भाजपच्या फटकार आंदोलनानंतर शिवसेनेच्या महिल्या कार्यकर्त्या चांगल्याच आक्रमक झालेल्या होत्या.