Mumbai Rain Updates : सीएसएमटी स्थानकाबाहेरचं जुनं झाड कोसळलं

मुंबईत आज सकाळपासून मुसळधार पाऊस पडत आहे. त्यामुळे मुंबईतल्या अनेक भागांमध्ये पाणी शिरून मोठ्या प्रमाणात नुकसान झालं आहे. एकीकडे वरळीत भुयारी मेट्रो स्थानकाजवळ नुकसान झालेलं असतानाच दुसरीकडे सीएसएमटी रेल्वे स्थानकाच्या बाहेर देखील एक दुर्घटना घडली. मुसळधार पाऊस आणि वेगवान वाऱ्यामुळे सीएसएमटी रेल्वे स्थानकावर एक झाड कोसळलं आहे.

मान्सूनच्या पहिल्याच पावसात मुंबईची तुंबई आज झालेली बघायला मिळाली आहे. सीएसएमटी रेल्वे स्थानकाच्या बाहेर च्या भागात असलेलं एक मोठं झाड या पावसामुळे कोसळलं आहे. एका चारचाकी गाडीवर हे झाड कोसळलं. सुदैवाने या घटनेत कोणतीही जीवितहानी झाली नाही. झाड हे प्रशासनाच्या गाडीवर कोसळलं. या घटनेत गाडीच्या काचा फुटल्या आहेत. सध्या पडलेलं झाड बाजूला करण्याचं काम सुरु आहे.