शरद पवारांच्या सहमतीने पहाटेची शपथ घेतली असती तर…; संजय राऊतांचा दावा

मुंबई : शिवसेना ठाकरेगटाचे नेते, खासदार संजय राऊत यांनी उपमुख्यमंत्री देवेंद्र फडणवीस यांच्यावर टीका केली आहे. शरद पवारांच्या सहमतीने शपथ घेतली असती तर पहाटेचं सरकार टिकलं असतं. ते काही तासात कोसळलं नसतं, असं संजय राऊत म्हणालेत. शिवाय देवेंद्र फडणवीस म्हणजे जगातील दहावं आश्चर्य आहेत.त्यांनी उपचार करून घ्यावेत, असंही राऊत म्हणालेत. भाजपने अनेक लोकांना तुरुंगात टाकलं. लोकांना तुरुंगात टाकणं, सूडबुद्धीने राजकारण करणं ही आमची विकृती नाही. आमचे फोन त्यांनी टॅप करून ऐकले आहेत. ज्या अधिकाऱ्यांवर फोन टॅपिंग चौकशी सुरू होती, ती चौकशी शिंदे-फडणवीस सरकारच्या काळात थांबवली आहे, असंही ते म्हणालेत.