नवनीत राणा यांची कारागृहातून सुटका, लिलावती रुग्णालयाकडे रवाना

अमरावतीच्या खासदार नवनीत राणांची (Navneet Rana) कारागृहातून सुटका झाली आहे. भायखळा जेलमधून (Byculla jail) नवनीत राणा लिलावती रुग्णालयाकडे रवाना झाल्या. नवनीत राणांच्या छातीत दुखत असल्याने रुग्णालयात तपासणीसाठी नेण्यात आलं. तब्बल 12 दिवसांच्या कोठडीनंतर नवनीत राणा जेलबाहेर आल्या आहेत. मात्र जेलमध्ये असताना त्यांची तब्बेत बिघडल्याचं समोर आलंय. मातोश्रीबाहेर हनुमान चालिसा म्हणणारच, अशी घोषणा केलेल्या आणि त्यानंतर संपूर्ण राज्यात काही दिवस चर्चेचे विषय ठरलेले खासदार नवनीत राणा आणि आमदार रवी राणा, या दाम्पत्याची आज अखेर जामिनावर सुटका करण्यात आली.