काकींशी स्टेजवर सांभाळून वागा! रोहित पवारांचा इशारा

राष्ट्रवादी काँग्रेसच्या राष्ट्रीय अध्यक्षपदी सुनेत्रा पवार यांची नुकतीच निवड झाली. यानंतर झालेल्या पत्रकार परिषद आणि कार्यक्रमांमध्ये काही नेत्यांनी सुनेत्रा पवार यांच्यासोबत केलेल्या कथित गैरवर्तनामुळे राजकीय वर्तुळात नवा वाद निर्माण झाला आहे. रोहित पवारांनी या घटनेची गंभीर दखल घेत, संबंधित नेत्यांना सुनेत्रा काकींशी स्टेजवर आणि इतर ठिकाणी सांभाळून वागा, असा सज्जड इशारा दिला आहे.

मंचावर आणि पत्रकार परिषदेत प्रफुल्ल पटेल, सुनील तटकरे, छगन भुजबळ आणि धनंजय मुंडे यांच्या वागणुकीवर रोहित पवारांनी आणि विकास लवांडे यांनी तीव्र आक्षेप घेतला आहे. या नेत्यांनी सुनेत्रा पवारांना पत्रकार परिषदेत जास्त बोलू दिले नाही, तसेच पत्रकारांना प्रश्न विचारण्यापासून रोखण्याचा प्रयत्न केला, असे आरोप करण्यात आले आहेत. रोहित पवारांनी स्पष्ट केले की, सुनेत्रा पवार सक्षम महिला असून त्यांना नियंत्रित करण्याचा प्रयत्न करणाऱ्यांना त्यांची ताकद लवकरच कळेल.