Praful Patel | विरोध करणे सोपं, मात्र काम करून दाखवणं महत्त्वाचं – प्रफुल पटेल

राष्ट्रवादी काँग्रेसचे नेते प्रफुल्ल पटेल यांनी राहुल गांधी आणि इतर विरोधकांवर जोरदार शाब्दिक हल्ला चढवला आहे. “विरोध करणं सोपं आहे, मात्र चांगलं काम करून दाखवणं हेच महत्त्वाचं आहे,” असे पटेल यांनी म्हटले आहे. मोदी सरकारच्या नेतृत्वाखालील गेल्या दहा वर्षांत सामान्य नागरिक आणि गरिबांसाठी अनेक कल्याणकारी योजना यशस्वीपणे राबवल्या गेल्याचा दावाही त्यांनी यावेळी केला. पटेल यांच्या मते, विरोधकांनी केवळ टीका करत बसण्यापेक्षा विकासाची प्रक्रिया समजून घेण्याची गरज आहे. त्यांनी स्पष्ट केले की, विकास ही एक सतत चालणारी प्रक्रिया आहे, जी कधीच थांबत नाही. त्यामुळे या विकासाची स्तुती करणे आवश्यक आहे, केवळ नकारात्मक टीका करून चालणार नाही.

राहुल गांधी आणि इतर विरोधक विविध मुद्द्यांवर सरकारवर टीका करत असताना, स्वतः काँग्रेसच्या नेतृत्वाखालील युपीए सरकारही दहा वर्षे सत्तेत होते, याची आठवणही पटेल यांनी करून दिली. चांगल्या कामाचे कौतुक करणे आणि विकासप्रक्रियेला सकारात्मक दृष्टिकोनातून पाहणे, हे राजकीय पक्षांसाठी अधिक महत्त्वाचे असल्याचे त्यांचे मत आहे.