मुंबई : संजय राऊत स्वत:ला काय समजतात? त्यांना तात्काळ अटक करा, अशी मागणी भाजपचे आमदार प्रविण दरेकर यांनी विधानपरिषदेत केली आहे. संजय राऊत यांचं विधान हे केवळ सत्ताधारी आणि विरोधकांच्या बाबतीतील नाही. तर सभागृहाच्या हक्काचा आहे. कुणीही काहीही बोलेल आणि आम्ही ऐकून घेऊ, असं त्यांना वाटत असेल. तर तसं होणार नाही. सुमोटो दाखल करा. राऊतांना अटक करा, अन्यथा आम्ही सभागृह चालवू देणार नाही, असंही दरेकर म्हणालेत. “एकनाथ शिंदे यांची शिवसेना ही बनावट शिवसेना आहे. ते ड्युप्लिकेट चोरमंडळ आहे. विधीमंडळ नाही. हे चोरमंडळ आहे”, असं वक्तव्य शिवसेना ठाकरे गटाचे खासदार संजय राऊत यांनी काहीवेळाआधी केलं. त्यांच्या या वक्तव्यावर भाजपने आक्षेप घेतलाय.