CJP च्या जखमी विद्यार्थ्यांसाठी राहुल गांधींचा संसद मार्ग पोलीस ठाण्याबाहेर ठिय्या; जोपर्यंत…

काँग्रेस नेते राहुल गांधी यांनी पॅलेट गन हल्ल्यात जखमी झालेल्या एका विद्यार्थ्याला न्याय मिळवून देण्यासाठी संसद मार्ग पोलीस ठाण्यात पोहोचले. साहिल नावाच्या या विद्यार्थ्याला सोबत घेऊन राहुल गांधींनी पोलीस ठाण्यातील अधिकाऱ्यांशी, विशेषतः डीसीपींशी, चर्चा केली. सुमारे अर्धा तास त्यांनी पोलिसांसोबत संवाद साधत विद्यार्थ्याची तक्रार दाखल करून घेण्याची मागणी केली.

यापूर्वी साहिलची तक्रार नोंदवून घेण्यात आली नव्हती, असा आरोप राहुल गांधींनी केला. त्यामुळे आज ते थेट साहिल आणि त्याच्या कुटुंबीयांना घेऊन पोलीस ठाण्यात दाखल झाले. राहुल गांधींनी स्पष्ट भूमिका घेतली आहे की, जोपर्यंत साहिलची तक्रार दाखल होत नाही आणि गुन्हा नोंदवला जात नाही, तोपर्यंत ते पोलीस ठाण्याबाहेरून हलणार नाहीत. पॅलेट गनच्या छर्र्यामुळे जखमी झालेल्या साहिलची परिस्थिती राहुल गांधींनी यापूर्वी पत्रकार परिषदेतही मांडली होती. सध्या पोलीस ठाण्याबाहेर प्रसारमाध्यमांची मोठी गर्दी जमली आहे.