मुक्ताईनगर : लोकसभा निवडणूक जवळ येतेय. सगळेच पक्ष तयारीला लागलेत. कुणाला तिकीट मिळणार, कुणाला नाही, याबाबत चर्चा होतेय. खासदार रक्षा खडसे यांच्या तिकीटावरही राजकीय वर्तुळात चर्चा होतेय. रावेर लोकसभा खासदार रक्षा खडसे यांच्या तिकीट मिळणार की नाही, याबाबत चर्चा होतेय. त्यावर रक्षा खडसे यांनी स्पष्टीकरण दिलं आहे. “अशी कुठलीही आमच्या पक्षामध्ये चर्चा नाही. तरीदेखील पक्षश्रेष्ठी जो निर्णय घेतील तो निर्णय आम्हाला मान्य असेल. आज खासदार म्हणून या लोकसभेची जबाबदारी माझ्यावर आहे. भविष्यामध्येही पक्षाने मला पुन्हा रावेर खासदारकीची जबाबदारी दिली. तर मी जबाबदारीने काम करेल”, असं रक्षा खडसे म्हणाल्यात.